Shkaku kryesor pse po e trajtojmë këtë temë të rëndë-sishme është fakti se në vendin tonë sa vijnë e po rriten rastet e abuzimeve seksuale ndaj fëmijëve, si dhe fakti tjetër se kemi një masë të madhe njerëzish që kanë nevojë për dije të shëndosha në lidhje me këtë çështje. Nuk do të mjaftonte një libër nëse do i shkruaja rastet e tentimeve për ngacmim seksual të rrëfyera nga klientët e mi gjatë terapive.
Në shoqërinë tonë, njohuritë që u japim fëmijëve në moshë të njomë rreth fertilitetit/lindshmërisë i cilësojmë si edukim seksual, një praktikë kjo e gabuar që po vazhdon. Ato çfarë u shpjegonin mësuesit e fizkulturës dikur djemve dhe ata të biologjisë femrave përbëjnë një burim të madh humori. Ndërsa e vërteta është se fëmijëve u duhet mësuar ndjenja e
1. e mirëbesimit,
2. e përkatësisë
3. e unit,
4. e intimitetit,
5. e njohjes së kufijve të egos,
6. e kundërshtimit të shkeljes së vijës së kuqe.
Në pjesën e parë të librit kemi shpjeguar fazë pas faze mënyrën se si formohet ndjenja e mirëbesimit dhe e përkatësisë.
Përgatiti: Prinderimi.com
Autor: Ramazan Shimshek, ”Fëmijët e tabletit” (Metoda psikologjike të kohës për fëmijët e kohës)
