Komuna e Gjakovës së fundmi është tronditur nga një situatë e vetëlëndimit të nxënëseve të shkollave të mesme të ulta si rezultat i një sfide të rrezikshme në rrjetin social “TikTok”.
Nga hëna kur u bënë të ditura rastet e para nga Drejtoresha e Arsimit në Gjakovë, Eranda Kumonva-Baçi, e deri më sot janë konfirmuar 19 raste të vetëlëndimit të nxënëseve.
Ajo ka konfirmuar se tashmë është ndaluar përdorimi i telefonave në shkolla.
Ajo ka thënë se dje shkolla “Zekeria Rexha” ka marrë gjitha masat e nevojshme për kontroll brenda shkollës, ku është mbajtur mbledhje me prindër, ndërsa prezent kanë qenë edhe Policia e Kosovës, shkruan AlbanianEducation.net.
Gjithashtu është sqaruar që telefonat për asnjë arsyetim nuk lejohen më në shkollë.
Njoftimi i drejtoreshës së arsimit në Gjakovë, Eranda Kumnova-Baçi.
Shembulli i mirë pas situatës së krijuar 👇
SHFMU “Zekeria Rexha” ka marrë gjitha masat e nevojshme për kontroll brenda shkollës si më poshtë:
*Ditën e hënë dhe të martë, janë kontrolluar gjithë nxënësit (sidomos vajzat) për të hulumtuar rreth pjesëmarrjes në lojën e vetëlëndimit.
*Ka informuar institucionet relevante si DKA dhe Policinë e Kosovës, duke dorëzuar raport për gjendjen pas kontrollimit.
*Psikologu i shkollës ka diskutuar dhe bashkëpunuar me shumë prindër rreth kësaj dukurie.
*Ditën e martë në mesditë është mbajtur mbledhje urgjente më stafin mësimdhënës, teknik dhe menaxherial për të treguar për pasojat e lojës dhe detyrat e radhës.
*Ditën e mërkurë janë mbajtur mbledhjet urgjente me prindër me prani edhe të policisë dhe janë njoftuar prindërit për lojën e rrjeteve sociale si vetëlëndim te vajzat dhe ngulfatja tek djemtë.
Gjithashtu është sqaruar që telefonat për asnjë arsyetim nuk lejohen më në shkollë.
Dhe nga e mërkura:
⛔️ Nuk do të ketë më posedim të telefonit ✅️dyert e klasëve gjatë pushimit ndërmjet orëve të jenë të hapura për tu parë nxënësit nga kujdestarët e ditës.
✅️Kontrollat do të vazhdojnë çdo ditë dhe mbrojtja e fëmijëve tanë është detyrë e jona.
