Këtë javë u organizua një punëtori me mësimdhënësit e shkollave të mesme të larta të Komunës së Prishtinës dhe Komunës së Lipjanit, me fokus diskutimin mbi çështjet e dhunës seksuale dhe ngacmimit seksual, si dhe gjetjen e mënyrave më efektive për t’i qasur këto tema te nxënësit.
Qëllimi i kësaj punëtorie ishte fuqizimi i mësimdhënësve për të zhvilluar aftësi që do t’i ndihmojnë ata në mbështetjen e nxënësve që përballen me sfida në raportimin dhe adresimin e rasteve të dhunës dhe ngacmimit seksual në sistemin e drejtësisë.
Në kuadër të këtij aktiviteti, u punua për të thelluar njohuritë dhe për të përmirësuar mënyrat e trajtimit të këtyre çështjeve të ndjeshme në ambientet shkollore, me synimin për të krijuar një mjedis më të sigurt dhe mbështetës për nxënësit.
Kjo punëtori është pjesë e projektit “Thuaj Jo gjuhës së urrejtjes dhe ngacmimeve seksuale”, i mbështetur nga projekti “Human Rightivism”, që zbatohet nga Fondi për Zhvillim Komunitar (CDF) me mbështetjen e Ambasadës Suedeze në Kosovë.
Prinderimi.com
