Çmimi Nobel në Mjekësi iu dha këtë vit Victor Ambros dhe Gary Ruvkun për zbulimin e MicroARN-së dhe rolin në rregullimin e gjeneve pas transkriptimit.
“Çmimi i këtij viti nderon dy shkencëtarë për zbulimin e një parimi themelor që tregon se si rregullohet aktiviteti i gjeneve. Ata zbuluan mikroARN-në, një klasë e re e molekulave të vogla të ARN-së që luajnë një rol kritik në rregullimin e gjeneve, gjenet e MicroARN-së janë zhvilluar dhe zgjeruar brenda gjenomave të organizmave shumëqelizorë për më shumë se 500 milionë vjet.
Sot, ne e dimë se ka më shumë se një mijë gjene për mikroARN të ndryshme te njerëzit dhe se rregullimi i gjeneve nga mikroARN-të, i zbuluar nga dy shkencëtarët që fituan çmimin Nobel të këtij viti, është universal midis organizmave shumëqelizorë.”, raporton Akademia Suedeze e Shkencave.
Çmimet Nobel u krijuan nga shpikësi suedez Alfred Nobel, i cili vdiq në vitin 1896. Ato vijnë me një çmim në para prej 11 milionë krona suedeze, ose pothuajse 976,000 euro. Nga viti 1901 deri në vitin 2023, janë dhënë 114 çmime Nobel në fiziologji ose mjekësi. Vetëm trembëdhjetë nga 227 fituesit ishin gra./K.C/dritare.net
