Im bir po i provon arritjet
Për të pasur besim në vetvete dhe për të besuar tek aftësitë vetjake, duhet që shpesh t’i provosh arritjet që vijnë nga përpjekjet.
Të provosh që t’ia dalësh mbanë
Edhe pse fëmijët i ndjekin shumë zakonet (kemi thënë se kanë nevojë për zakone dhe qëndrueshmërinë), mund t’i shtyjmë të provojnë ushqime të reja, veshje apo zakone të reja, lojëra të reja, të dëgjojnë muzikë tjetër, apo të përdorin mjete të ndryshme për t’u shprehur në krijimtari (plastelinë, bojëra etj.)
Mund t’i japim zemër të përjetojnë edhe përvoja të tjera si:
- të shkojnë në çerdhe;
- të zënë miq të rinj;
- të udhëtojnë;
- të shikojnë emisione të reja televizive;
- të shkojnë nëpër shfaqje;
- të vizitojnë vende të reja.
Por mund të inkurajohen edhe të provojnë sjellje të reja,
- të kacavirren, të ecin;
- të thonë: “faleminderit”, “mirëdita”;
- të marrin role të ndryshme brenda një grupi: të ndjekin, të drejtojnë, të dëgjojnë;
- të bëjnë zgjedhje të ndryshme;
- t’i kërkojnë gjyshes t’i tregojë një përrallë ose që të dalin shëtitje etj.;
Synimi i gjithë këtyre nuk është ta çekuilibrosh vazhdimisht gjendjen, por që fëmija të provojë herë pas here edhe kënaqësinë dhe përvojën interesante të të rejave.
Për prindërit që duan të krijojnë kushtet më të përshtatshme për fazat pasuese që vijojnë në zhvillimin e fëmijës së tij, duke kontrolluar që sfondi dhe kushtet të jenë sa më të favorshme për zhvillimin në fjalë. Pra, kjo nuk do të thotë që t’i bëni vetë gjërat, në vend të fëmijës tuaj.
Marrim shembullin e zbuluesit të vogël (9-18 muaj), duke dashur ta shpjegojmë sa më mirë për se bëhet fjalë. Fëmija fillon të ngrihet vetë, duke u mbërthyer pas karrigeve dhe mobilieve. Ju e ndjeni që ai është i aftë të qëndrojë vetë në këmbë për disa sekonda, pa pasur nevojë të mbështetet askund.
Përgatiti: Prinderimi.com
Autor: Danielle Laporte, “Vetëvlerësimi i fëmijëve 0-6 vjeç”
