Me një atmosferë të mbushur me emocion, krenari dhe dashuri për gjuhën amtare, është përmbyllur me sukses faza e katërt e Olimpiadës së Gjuhës Shqipe. Ngjarja u zhvillua dje në Tiranë dhe mblodhi 84 nxënës nga Shqipëria dhe Kosova, të përzgjedhur nga mbi 16,000 pjesëmarrës të fazave paraprake.
Kosova u përfaqësua denjësisht me 8 nxënës që dëshmuan njohuri të thelluara, përkushtim dhe ndjenjë të lartë përgjegjësie ndaj gjuhës shqipe.
Fituesit nga Kosova janë:
Vendi i parë: Erina Sejdiu, shkolla “Mehmet Gjevori” Prishtinë;
Vendi i dytë: Orgesa Morina, shkolla “Dardania” Prishtinë;
Vendi i tretë: Eltina Buzaku, shkolla “Gani Elshani” Drenas; Jeta Rama, shkolla “Daut Bogujevci” Fushë Kosovë; Nina Kaja, shkolla “Yll Morina” Gjakovë; Elsa Krasniqi, shkolla “7 Marsi” Prishtinë; Toska Nagavci, shkolla “Yll Morina” Gjakovë; Merime Palloshi, shkolla “Jusuf Gërvalla” Kaçanik.
Kjo Olimpiadë, përveçse garë njohurish, është edhe një platformë bashkimi dhe shkëmbimi kulturor ndërmjet të rinjve shqiptarë nga të gjitha trojet. Gjuha Shqipe është ura që na bashkon brez pas brezi andaj le të vazhdojmë ta ruajmë e ta kultivojmë gjuhën tonë të bukur!
Shpallen e rezultateve paraprake të nxënësve fitues në Olimpiadën e përbashkët Shqipëri-Kosovë, në lëndën Gjuhë Shqipe (klasa e IX-të) mund ta merrni këtu:
