Përgatitja e ambientit për valën alfa
Duhet patjetër që t’ua mësojmë fëmijëve tanë katër valët e trurit. Ato janë:
a. Vala alfa (kreativiteti)
b. Vala theta (përgjumja dhe dembelizmi)
c. Vala delta (gjumi i thellë)
ç. Vala beta (përqendrimi i perceptimit)
Nëse duam që ta përgatisim ambientin për frymëzimin dhe kreativitetin, atëherë duhet t’i lemë një hapësirë më të madhe valës alfa, e cila shfaqet vetëm gjatë pushimit, ose kur merresh me një punë të vazhdueshme për një kohë të gjatë. Kur jemi të lodhur dhe të rraskapitur, mendjet tona drejtohen me të shpejtë drejt valës theta, që është e posaçme për përgjumjen dhe dembelizmin, e pastaj drejtohen drejt valës delta, që është e posaçme për gjumin e thellë. Nëse jemi të zhytur në mendime rreth ndonjë problemi ose ndonjë qëllimi të caktuar, atëherë ne përdorim valën beta, që është e posaçme për përqendrimin e perceptimit. Kurse frymëzimi dhe kreativiteti vijnë vetëm atëherë kur shfaqet vala alfa.
Grumbullimi i të dhënave
Duhet t’ua mësojmë fëmijëve tanë, që sa herë t’u vijë në mendje ndonjë ide, qoftë edhe jo e plotë, duhet patjetër që ta regjistrojnë atë. Regjistrimi i ideve duhet të bëhet gjithsesi, sepse idetë nuk vijnë gjithmonë të plota, pasi shpeshherë na vjen në mend vetëm një pjesë e një ideje të re, kurse pjesët e tjera vijnë më pas, ose duke biseduar me të tjerët që ata ta plotësojnë pjesën tjetër të idesë, ose mund të na vijnë në mend edhe më vonë, gjatë momenteve kur jemi të qetë dhe të kthjellët.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
