Ritja e një fëmije nuk është një detyrë e lehtë për asnjë prind, sepse nuk vjen me udhëzime, shpesh hasim këshilla të ndryshme dhe nuk dimë se cilat janë të sakta dhe cilat jo. Kjo është arsyeja pse edukatorja e prindërve Ejmi MekKredy zbulon për portalin “Today” atë që nuk bën kurrë me fëmijët e saj dhe të njëjtën gjë ua rekomandon edhe prindërve të tjerë. Siç shpjegon ajo, ajo i përmbahet disa rregullave kur rrit fëmijët e saj, dhe një në veçanti.
“Ky është një nga gabimet më të zakonshme që bëjnë shumica e prindërve dhe gjithmonë jam përpjekur ta shmang në shtëpinë time”. Unë këshilloj edhe prindërit e tjerë të provojnë të njëjtën gjë”, thotë edukatorja, e cila shton se prindërit shpesh e bëjnë këtë gabim krejtësisht pa vetëdije, sepse nuk e kuptojnë se sa negative mund të jenë pasojat për fëmijën.
Bëhet fjalë për “vënien në dënim”. Siç shpjegon ajo, kjo është një nga taktikat më të zakonshme të prindërve për ndëshkimin e fëmijëve, por MekKredy thekson se nuk e mbështet dhe beson se nuk jep rezultat.
“Kjo është një taktikë popullore prindërimi, por kjo nuk do të thotë se është efektive.” Domethënë, qëllimi i çdo teknike disiplinore duhet të jetë trajnimi për sjellje më të mirë duke ruajtur një lidhje të fortë emocionale mes prindit dhe fëmijës dhe këtë nuk e mundëson ndëshkimi”, tregon ajo.
