Këshillë e shpejtë 1
Zgjidhni kohën e duhur për pushime. Lejoni fëmijët të marrin një pushim para se të vijë frustrimi ose mungesa e fokusit. Për nxënësit e shkollës fillore, kjo është zakonisht pas 10 deri në 15 minuta punë. Nxënësit e mesme dhe të lartë mund të punojnë për një kohë më të gjatë – deri në 20 deri në 30 minuta para një pushimi.
Këshillë e shpejtë 2
Provoni një aktivitet më të qetë. Lejoni fëmijët të bëjnë një aktivitet të qetë për të rivendosur trurin e tyre në funksion të plotë. Provoni disa frymëmarrje të thella ose metoda për rregullimin e disponimit – le të jenë metoda të buta.
Këshillë e shpejtë 3
Merrni një pushim që ka si aktivitet brenda kërcimin. Për fëmijët që kanë nevojë për aktivitet fizik, marrja e një “pushimi me kërcim” është një mënyrë e këndshme për të fokusuar dhe për t’u rifreskuar. Fëmijët largohen nga vendi i tyre i punës për të realizuar një aktivitet fizik të shpejt, para se t’i kthehen sërish punës.
Këshillë e shpejtë 4
Sigurohuni që është vërtet një pushim. Kalimi nga detyra e shtëpisë në një aktivitet që duket si -më shumë punë (si detyrat shtëpiake) nuk do të ndihmojë fëmijët të mbeten të fokusuar. Sigurohuni që aktiviteti që bëjnë fëmijët të jetë si një pushim i vërtetë.
Shumica e fëmijëve luftojnë me detyrat e shtëpisë nga koha në kohë. Por, fëmijët që mësojnë dhe mendojnë ndryshe mund të luftojnë më shpesh – madje edhe çdo ditë. Atyre mund të ju duket që detyrat e shtëpisë janë më frustruese dhe më të vështira për t’u përballuar me to.
Pushimet e trurit gjatë detyrave të shtëpisë ose detyrave të gjata mund të ndihmojnë në lehtësimin e kësaj frustrimi. Një pushim i trurit është pikërisht ajo që po lexoni: një pushim nga çdo gjë për të cilën po fokusohen aktualisht fëmijët.
Pushimet e shkurtra të trurit gjatë kohës së punës janë treguar të kenë përfitime reale. Ata ulin stresin, ankthin dhe frustrimin. Dhe ata mund të ndihmojnë fëmijët të fokusohen dhe të jenë më produktivë.
Pushimet e trurit gjithashtu mund të ndihmojnë fëmijët të mësojnë të vetrregullohen dhe të jenë më të vetëdijshëm kur lodhen ose po humbasin fokusin e asaj që po bëjnë. Kjo është sidomos e dobishme për fëmijët që luftojnë me sfidat ekzekutive të funksionit. (Vështirësi me një grup aftësish mendore si vetëkontrolli dhe kujtesa punuese që përdoren për të planifikuar, prioritetizuar dhe për të kryer gjëra. Shpesh quhet çrregullim i funksionit ekzekutiv. Ky nuk është një diagnozë zyrtare, por sfidat janë shumë reale në këtë drejtim.)
Të qenit në gjendje të kthehesh në një detyrë dhe ta përfundosh atë padyshim ndërton vetëbesimin dhe vetëvlerësimin. Tregoni fëmijëve se ata mund të përballen me sfidat e detyrës së shtëpisë. Kjo mund t’i motivojë ata të vazhdojnë dhe të përpiqen.
Autore: Amanda Morin, Understood.
Përktheu dhe përshtati: Perparim Blakaj
E shqyrtuar nga ekspertja Dr. Ellen Braaten.
