Sot në shkollën fillore “Gjergj Fishta” të Prishtinës, me nxënësit e klasave të V-ta, me mësueset, me stafin udhëheqës të shkollës, me mysafirët e ftuar, në një organizim të shkëlqyeshëm, në atmosferë të ngrohtë e në bashkëbisedim të këndshëm me nxënësit, u shënua Dita Ndërkombëtare e Librit.
”E nderuar dhe e vlerësuar me ftesën dhe me mikpritjen e jashtëzakonshme, shpreh falënderimin e mirënjohjen time, por edhe gëzimin tim për sukseset e arritjet e shkollës, që mban emrin e njërit ndër shkrimtarët më të mëdhenj kombëtarë, e njërit ndër atdhetarët e veprimtarët e rendit të parë – emrin e Gjergj Fishtës.” – Shkroi në postimin falenderues Prof. Shefkije Islamaj.
Dita Ndërkombëtar e Librit është vërtet rast i mirë për nxitjen e dashurisë ndaj librit.
Një proverb, i endur nëpër kohë e nëpër hapësirat gjeografike të botës, na e thotë të vërtetën e palëkundur:
“Mos lexoni libra edhe vetëm për tri ditë dhe fjalët tuaja do të humbasin bukurinë e tyre”.
Prinderimi.com
