Unë personalisht mendoj se ne mund të mësojmë prej çdo personi, prej çdo gjëje dhe në çdo vend… Unë kam mësuar shumë nga shkolla dhe mendova se kjo do të mjaftonte, pastaj mësova nga universiteti dhe mendova përsëri se kjo do të ishte mjaft, por zbulova se të mësuarit është një proces i vazhdueshëm përgjatë tërë jetës, që nuk ndalon për sa të jemi gjallë, dhe se çdo ditë ekziston mundësia për të mësuar më shumë dhe për të arritur një jetë më të mirë.
Prandaj, unë nuk e lë të më shkojë kot asnjë mundësi që më jepet për të mësuar diçka të re, ..nga Princi dhe Bianka, dy macat e vajzave të mia, kam mësuar se si të jem i pavarur dhe të ndaj një kohë për lojë e për çlodhje… Ndërsa nga Kiko, papagalli i bashkëshortes sime, Amal, kam mësuar të jem i kënaqur me ato që kam… Nga pesë breshkat që ka vajza ime Nermin, kam mësuar kuriozitetin.
Nga natyra, kam mësuar se është e pamundur që një gjendje të vazhdojë gjatë pa ndryshuar, dhe se shpresa për një të nesërme më të mirë vjen me lindjen e diellit… Përpjekjen, durimin dhe vendosmërinë, e kam mësuar nga milingonat, të cilat nuk pushojnë së punuari… Gjithmonë mbaj me vete, në xhep, një bllok të vogël dhe një stilolaps, që të shkruaj çfarëdo idesh të reja që më vlejnë, në çdo vend që të jem, kudo në botë.
A e di se tani, në këtë kohë që jemi, më shumë se në çdo kohë tjetër të mëparshme, i kemi të gjitha rrugët dhe mjetet për të marrë njohuri, si me anë të ligjëratave, të studimeve online, të studimeve me korrespondencë, të studimeve akademike, nëpërmjet të cilave mund të marrësh deri edhe diplomë doktorature… Pra, për marrjen e njohurive sot, gjenden rrugë të shumta dhe të shumëllojshme.
Përgatiti: Prinderimi.com
Autor: Dr. Ibrahim Fekij, “10 çelësat e suksesit”
