Formulimi dhe përzgjedhja
Ndihmoji fëmijët e tu në formulimin e vargjeve të poezive, edhe sikur të mos jenë shumë të rregullta dhe inkurajoji ata, duke i ngjitur poezitë e tyre në ndonjë vend të dukshëm. Po ashtu, mund t’i inkurajosh ata që të përzgjedhin një titull për ndonjë histori që ua lexon atyre, apo edhe disa tituj tërheqës në vend të titullit origjinal, sepse kjo është një nga mënyrat më të mira për të përforcuar kreativitetin.
Për këtë arsye, lëri ata që të dëgjojnë ilahi, për të krijuar një atmosferë kreative dhe nxiti që ata vetë të krijojnë ilahi dhe të shkruajnë fjalët e tyre. Pas kësaj, ulu bashkë me ta dhe përpiqu që t’u mësosh se si t’i përmirësojnë ato, apo edhe se si t’i rregullojnë gabimet drejtshkrimore. Më pas, shkruaje atë në kompjuter dhe ngjite në mur.
Po kështu, mund t’iu lexojmë atyre ndonjë tregim dhe më pas t’u kërkojmë që ta shkruajnë atë dhe të shikojmë se çfarë idesh të reja do t’i shtojnë asaj.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
