PËR EDUKIMIN NË FËMIJËRINË E HERSHME
Kuvendi i Republikës së Kosovës:
Në bazë të nenit 65 (1) të Kushtetutës së Republikës së Kosovës
Miraton:
LIGJ PËR EDUKIMIN NË FËMIJËRINË E HERSHME
Neni 1
Qëllimi
Ky ligj ka për qëllim ofrimin e edukimit cilësor gjithëpërfshirës në të gjitha format e organizimit të
kujdesit dhe edukimit në fëmijërinë e hershme për fëmijët prej lindjes deri në moshën 6 vjeçare,
si dhe përcakton normat për organizimin, funksionimin, mbikëqyrjen, përgjegjësitë institucionale
dhe profesionale të të gjithë akterëve për edukimin në fëmijërinë e hershme.
Neni 2
Fushëveprimi
1. Ky ligj zbatohet nga të gjitha institucionet e Edukimit në Fëmijërinë e Hershme, për fëmijët
prej lindjes deri në moshën gjashtë (6) vjeçare, duke siguruar:
1.1. Të drejtën e të gjithë fëmijëve për edukim cilësor gjithëpërfshirës bazuar në nevojat
individuale të tyre;
1.2. Shëndetin, mirëqenien dhe mbrojtjen e fëmijëve;
1.3. Krijimin e mekanizmave për sigurimin e ofrimit të shërbimeve të integruara;
1.4. Përcaktimin e detyrave dhe përgjegjësive të ofruesve të shërbimeve në Edukimin në
Fëmijërinë e Hershme;
1.5. Mentorimin, monitorimin, inspektimin, financimin dhe sanksionimin e ofruesit të
shërbimeve;
1.6. Përcaktimi i mekanizmave për themelimin, monitorimin dhe zbatimin e standardeve
të cilësisë në të gjitha nivelet.
2. Bashkëpunimin dhe koordinimin ndërsektorial ndërmjet institucioneve në nivel qendror dhe
lokal, dhe akterëve relevantë në fushën e Edukimit në Fëmijërinë e Hershme.
1. Parimet udhëheqëse për Edukimin në Fëmijërinë e Hershme, janë:
1.1. E drejta universale për edukim për të gjithë fëmijët;
1.2. Interesi më i mirë i fëmijës si konsideratë mbizotëruese;
1.3. E drejta e fëmijës për pjesëmarrje;
PËR EDUKIMIN NË FËMIJËRINË E HERSHME
Neni 3
Parimet udhëheqëse për edukimin në fëmijërinë e hershme 1.4. Edukimi i bazuar në lojë në përputhje me zhvillimin e fëmijës;
1.5. Zhvillimi tërësor i fëmijës duke respektuar individualitetin e çdo fëmije;
1.6. Mundësi të barabarta për fëmijët dhe prindërit/kujdestarët ligjor dhe përfshirja e
vazhdueshme e prindërve/kujdestarëve ligjor në Edukimin në Fëmijërinë e Hershme;
1.7. Barazia dhe mosdiskriminimi pa asnjë lloj dallimi, pavarësisht nga raca, ngjyra, gjinia,
gjuha, feja, origjina kombëtare, etnike ose shoqërore, pasuria, paaftësia, prejardhja
familjare apo çdo gjendje tjetër e fëmijës ose prindërve/kujdestarëve ligjor të tij;
1.8. Gjithëpërfshirja, diversiteti dhe vlerat e demokracisë, dashurisë, respektit,
bashkëpunimit, përgjegjësisë, tolerancës, solidaritetit dhe empatisë;
1.9. Liria e shprehjes për çdo fëmijë;
1.10. Parandalimi i të gjitha llojeve të dhunës;
1.11. Përgjegjësia dhe llogaridhënia.
