KËRCËNIMI MË I MADH NË ZHVILLIMIN E PERSONALITETIT ËSHTË FRIKA
Frika është një ndjenjë natyrore që duhet mbetet në këtë nivel. Thellimi i saj është armiku i personalitetit të njeriut. Ajo e bën pasiv fëmijën, të turpshëm, të tërhequr, të stru- kur. Në qendrën tonë vjen një numër i konsiderueshëm prindërish me fëmijët e tyre me psikologji të prishur për shkak të qasjes së tyre të gabuar, për shkak të filmave të dëmshëm vizatimorë, të llojit horror etj. Kemi trajtuar edhe fëmijë që, ndonëse në moshën 7 apo 8-vjeçare, nuk kalonin dot nga njëra dhomë në tjetrën, që nuk flinin dot vetëm në dhomë.
Por, një gjë duhet ditur: frika reale ose funksionale na mundëson mbijetesën. Ikja nga një qen që leh, frika nga lar- tësitë e mëdha ose mosprekja e një kablloje të hapur elek- trike janë shembuj të këtyre frikërave të dobishme. Nga ana tjetër, frikërat joreale janë vampiri, kuçedra, fantazma e të ngjashme.
Ky term duhet trajtuar edhe pak, ngaqë përdoret edhe në kuptimin e “ruajtjes” apo “respektimit”. E kësaj natyre është frika nga rrena ose nga Zoti.
Frika që trajtuam në paragrafin e parë nënkupton atë që përfundon me të qenit nën presion, ndrydhjen e vetvetes, ikjen, të ndjerit e vetes nën kërcënim, shtypjen, mosprovimi i gjërave, dyshimet për dështim, hidhërimi, mungesa e vetëbesimit etj.
Njeriu vjen në këtë botë me dy frikëra elementare: frika nga lartësia dhe nga zëri i lartë – të tjerat i mësojmë ose na i mësojnë të tjerët. Pasojat e frikërave janë të shumta:
- ngurrimi nga të shkuarit në çerdhe/shkollë;
- shmangia e vetmisë dhe të fjeturit vetëm në dhomë;
- refuzimi i qëndrimit vetëm në shtëpi;
- mosdëshira për të dalë vetë jashtë;
- mosmbajtja e nevojës personale;
- belbëzimi;
- moskontrollimi i hidhërimit;
- brenga për provimet;
- sindroma e tourette ose tikat;
- kafshimi thonjve;
- fobia sociale;
- mungesa e vetëbeismit.
Në fakt, frika ekziston kaherë, ajo është e natyrshme. Ajo që ka rëndësi është qëndrimi ynë ndaj saj, reaksionet tona përballë saj dhe veprimet në saje të saj. Kundërhelmi i frikës është guximi, trimëria.
Në vazhdim do të merremi më në detaje me çështjen se si t’ia dalim mbanë me frikën, si ta mundim nëpërmjet tek- nikave të arritjes së vetëbesimit.
Përgatiti: Prinderimi.com
Autor: Prof. Dr. Abdul Kerim Bekkar, “Problemet e fëmijëve”
