Kurrsesi mos e lini fëmijën duke qarë
Thamë se, nëse fëmija është lidhur organikisht me prin- din, në moshën tre-vjeçare mund të çohet në çerdhe, por para se ta nisë këtë “aventurë” duhet të jemi shumë të kujdesshëm. Pse pikërisht në moshën tre vjeç? Kjo sepse pas tre vitesh të shëndoshë plotësohet faza e besimit themelor.
Në moshën tre-vjeçare fillon të formohet uni i fëmijës, kështu që ai nis të ndiejë mall dhe nevojë për shokë e shoqe. Në këtë fazë ai nis të bëhet kurioz për njerëzit jashtë shtëpisë dhe për marrëdhëniet shoqërore.
Kur fëmija shkëputet për herë të parë nga shtëpia, mend- ja dhe ndjenjat e tij/saj janë të mjegullta. Ndikimi i kësaj ndarjeje, që përbën një pikë kthesë shumë të rëndësishme në jetën e tij, zgjat gjatë gjithë jetës. Çdo fëmijë përjeton sikletin e shkëputjes nga shtëpia, të nisjes së periudhës së çerdhes. Përjetimin e dendur të kësaj ndjenje e quajmë ankthshmëria e ndarjes.
Kjo ankthshmëri përjetohet në mënyra të ndrysh- me te fëmija. Njohja e këtyre mënyrave mundëson që ky pro- ces të kalojë në mënyrë të shëndoshë e të sigurt. Në bazë të këtyre mënyrave, fëmijët mund të ndahen në disa kategori.
Përgatiti: Prinderimi.com
Autor: Ramazan Shimshek, ”Fëmijët e tabletit” (Metoda psikologjike të kohës për fëmijët e kohës)
