Një studim i mëtejshëm ka treguar se foshnjat që pas lindjes kanë kontakt të drejtpërdrejtë fizik, lëkurë me lëkurë, me nënën e tyre, qajnë shumë më pak se foshnjat që i vendosin në një shtrat foshnjash pranë nënës. Pas njëzet e pesë minutash pas lindjes, fosh- njat që kishin kontakt lëkurë me lëkurë, qanin mesatarisht rreth gjashtëdhjetë sekonda, ndërsa foshnjat që qëndronin në shtrat qanin mbi tetëmbëdhjetë minuta.
Pesëdhjetë e pesë deri në gjash- tëdhjetë minuta më vonë, foshnjat me kontakt të vazhdueshëm lëkurë me lëkurë me nënën, e kërkonin gjirin duke mos qarë shumë, ndërsa grupi tjetër i foshnjave qante për mbi gjashtëmbë dhjetë minuta. Pas tetëdhjetë e pesë deri në nëntëdhjetë minuta, foshnjat që kishin pasur kontakt të drejtpërdrejtë fizik me nënën qanin mesatarisht vetëm dhjetë sekonda, ndryshe nga foshnjat që qëndronin përgjithësisht në shtrat, të cilët qanin mbi dymbëdhjetë minuta të tjerë.
Duket sikur foshnjat tona kërkojnë të sillen natyralisht sikurse çdo gjitar, por ne jemi shumë të etur për të ndërhyrë në këtë pro- ces. Ekzistojnë shumë dukuri te të cilat ne ndërhyjmë, si për shembull marrja e qetësuesve ose prerja cezariane. Kaq shumë foshnjave, me shumë mundësi përfshirë mua dhe ty, u është mohuar e drejta e përpjekjes për të dalë natyralisht në jetë duke u vetështyrë… dhe disa prej nesh, gjithsesi, rezultojmë të jemi qenie përgjithësisht të mirekuilibruara, produktive dhe njerëz të dashur që mund të krijojmë marrëdhënie të mrekullueshme afatgjata me njëri-tjetrin.
Studimet mbi procesin e kërkimit të gjirit na tregojnë se është mirë që t’i vëzhgojmë foshnjat në mënyrë që të mësojmë prej tyre se çfarë janë të aftë të bëjnë dhe për çfarë kanë nevojë. Kur i vëzh- gojmë, ne mund të marrim sugjerime prej tyre, nëpërmjet ritmit të natyrshëm të dhënies dhe marrjes dhe jo thjesht duke u marrë me ta. Duke e lejuar foshnjën që të ndjekë instinktet e saj, si për shembull të realizojë procesin e kërkimit të gjirit apo çfarëdolloj reagimi tjetër natyral, sikurse mund të jetë vështrimi ngultas drejt jush apo të qajë për ju, do të thotë që i respekton ata, beson tek ata dhe i ndihmon qysh në fillim të jetës që të kuptojnë se nuk janë objekte me të cilët vetëm duhet të merresh për t’i sistemuar, por janë qenie njerëzore me vullnet të lirë. Foshnja juaj është një njeri që është në një marrëdhënie me ju.
Përgatiti: Prinderimi.com
Autor: Philippa Perry, “Libri që do të dëshironit të lexonin prindërit tuaj”
