Milioneri Charles Givens thoshte: “Këmbëngulja e eliminon rezistencën.”
Ja tani një recetë për të arritur në vetdisiplinë:
1. Shkruaji dhjetë gjëra që dëshiron t’i bësh.
2. Renditi ato sipas përparësisë!
3. Lexoji këto gjëra me zë të lartë, duke shtuar edhe frazën: “Unë mundem!”, dhe për shembull, nëse në krye të listës është: “E sistemoj zyrën time çdo ditë”, lexoje: “Unë mund ta sistemoj zyrën time çdo ditë”… Ose nëse në krye të listës është “Të bëj ushtrime sportive çdo ditë”, lexoje: “Unë mund të bëj ushtrime sportive çdo ditë”.
4. Tani mbylli sytë dhe imagjinoje veten tënde duke realizuar qëllimin tënd, pastaj hapi sytë përsëri!
5. Bëji detyrat që priten prej teje, tani, dhe mos bëj asgjë tjetër derisa t’i kryesh ato detyra! Bëji tani!
6. Kur cakton ndonjë takim, duhet të jesh korrekt me kohën, dhe mos e shtyj qoftë edhe për një minut të vetëm.
Fillo t’i ndërtosh gradualisht muskujt e vet-disiplinës, dhe do ta gjesh veten të kthyer drejt një jete të mbushur me lumturi, shëndet dhe sukses… Një mësues thoshte: “Nëse dëshiron të bëhesh mjek, studio mjekësi; nëse dëshiron të bëhesh inxhinier, studio inxhinieri; dhe nëse dëshiron të jesh i suksesshëm, studio suksesin.”
Suksesi është në duart e tua… Ti e zotëron fuqinë të jesh, ose të punosh, ose të zotërosh, gjithë çfarë dëshiron.
Shikoje të kaluarën si të ishte një thesar përvojash dhe përdore me urtësi!Shikoje të ardhmen si një shpresë për lumturi, sepse “e djeshmja nuk është asgjë tjetër vetëm se një ëndërr, dhe e nesërmja nuk është gjë tjetër ve- tëm se një vizion, por ditën që ti e jeton siç duhet, është ajo e bën të djeshmen një ëndërr lumturie dhe të nesërmen një vizion shprese”.
Dhe kujto gjithmonë:
Jetoje çdo çast sikur të ishte çasti i fundit i jetës sate…!
Jeto me besim! Jeto me shpresë! Jeto me dashuri! Jeto me përpjekje dhe çmoje vlerën e jetës!
Ti duhet të vendosësh ta jetosh jetën tënde sa më shumë… ta përdorësh kohën me urtësi… t’i përmirësosh marrëdhëniet e tua me njerëzit… të jetosh një jetë më të mirë, siç e meriton… t’i përcaktosh qëllimet e tua… të punosh me gjithë forcat e tua për t’i realizuar ato… dhe të vendosësh t’i përballosh të gjitha sfidat me guxim!
Dhe kujtoje se:
Dimri është fillimi i verës.
Errësira është fillimi i dritës.
Presionet janë fillimi i rehatisë.
Tensioni është fillimi i lumturisë.
Dështimi është fillimi i suksesit.
Unë nuk do të uroj ty “Paç fat!”, por ti vetë duhet të lëvizësh dhe ta bësh vetë fatin tënd.
Mendo pozitivisht! Sillu pozitivisht! Shpreso për më të mirën në jetë! Dhe siç thuhet në hadithin e ndritur: “Shpresoni për mirë, që ta gjeni.”
Pranoji urimet e mija për ty, që të arrish gjithë suksesin që dëshiron, të realizosh të gjitha ëndrrat e tua dhe që të ëndërrosh ëndrra të mëdha e më të mëdha!
Dhe kujto gjithmonë: Jetoje çdo çast sikur të ishte çasti i fundit i jetës sate…!
Jeto me besim! Jeto me shpresë! Jeto me dashuri! Jeto me përpjekje dhe çmoje vlerën e jetës!
Përgatiti: Prinderimi.com
Autor: Dr. Ibrahim Fekij, “10 çelësat e suksesit”
