Ime bijë gjatë gjumit të natës fillon të qajë dhe bie nga krevati e ne nuk arrijmë dot ta zgjojmë. Çfarë duhet të bëjmë?
Kam dy vajza, njëra 21-muajshe, tjetra 40-ditëshe. Vajzën e madhe e kam mësuar me rutinë gjumë në mbrëmje dhe në 9:30 bie për të fjetur. Duke qenë se ia kam prerë herët gjirin, e marr në krahë dhe e vë në gjumë duke e puthur e përqafuar. Pas rreth 4 orësh fillon të qajë në gjumë e ndonjëherë bie nga krevati dhe ne nuk arrijmë ta zgjojmë. Nuk na vjen pranë dhe nuk arrijmë ta qetësojmë. Çfarë na këshilloni?
Zgjimet gjatë natë mund të jenë pasojë e mungesës emocionale.
Diferenca në moshë mes dy fëmijëve është shumë e vogël. Akoma pa e përfunduar periudhën e zhvillimit shpirtëror e emocional vajza e madhe, ka ardhur në jetë e vogla. Të madhes i është ndërprerë edhe qumështi i nënës. Ka mundësi që duke u marrë me të voglën, të madhes t’i mungojë vëmendja juaj. Zgjimet dhe të qarat e forta gjatë natës tregojnë se fëmijës nuk i është plotësuar ende rendi i brendshëm. Nëse nuk kanë një shkak fiziologjik, të qarat gjatë natës në këtë moshë tregojnë një problem në atashimin midis nënës dhe fëmijës.
Këshilla ime është kjo: Përpiquni të silleni me natyrshmëri mëmësore. Merrini pranë të dyja vajzat dhe flini me to. Nëse veproni me natyrshmëri, arrini t’i kuptoni ndjenjat e fëmijëve tuaj.
Përgatiti: Prinderimi.com
Autor: Dr. Adem Güneş, “Si veprojnë fëmijët dhe pse?”
