Njeriu, qoftë i ri ose i vjetër, ka dëshirë të jetoj me njerëz të tjerë. Ai nuk do të duronte të jetonte i izoluar nga njerëzit e tjerë. Ky është një fakt i padiskutueshëm për njerëzit. Mirëpo, është po ashtu e vërtetë se kur njerëzit të rinj ose të vjetër bëhen bashkë, jeta e tyre e përbashkët do të sjellë shumë rivalitet dhe tension, keqkuptime dhe fërkime.
Kjo mund të ketë si shkak dallimet në dëshira, sjellje, mentalitet, interesa dhe pikëpamje midis njerëzve. Rregulli i përgjithshëm këtu është se çdonjëri prej nesh është tjetri’ nga këndvështrimi i të tjerëve. Personi i ulur përballë meje është burim i një ndjenje të tjetërsisë, kontrastit dhe bezdisë për mua në shumë situata. Nga kjo mund të dëshmojmë se asnjë shtëpi nuk është kursyer nga hisja e saj e fërkimeve dhe grindjeve në mesin e të gjithëve që jetojnë nën një kulm.
Megjithatë, një pjesë e fërkimeve janë brenda kufijve të arsyeshëm, ato nuk dalin nga kontrolli. Mirëpo një pjesë e fërkimeve janë të pazakonta dhe sipas edukatorëve ato janë brengosëse dhe ndoshta të rrezikshme. Specialistët gjithashtu na tregojnë se fërkimet në mesin e fëmijëve të një familje shtohen derisa ata rriten.
Tetëvjeçarët kanë konfrontime më të nxehta sesa katërvjeçarët. Se fërkimi është më i madh midis fëmijëve që janë më të afërt në moshë, si në rastin kur vetëm një ose dy vjet i ndajnë. Ai është më i keq në mes të fëmijëve të gjinisë së njëjtë.
Para se të vazhdojmë të diskutojmë për grindjen në mesin e fëmijëve të një familjeje le të përmendim faktin se konfrontimet në mesin e fëmijëve të vegjël kanë disa aspekte pozitive: ato u ndihmojnë të zbulojnë aftësinë e tyre për të mposhtur kundërshtarin. Kjo u mëson shpirtin e faljes, aspektin e fitores dhe nganjëherë të disfatës.
Gjithashtu u ndihmon të zbulojnë dobësinë e tyre. Për aq kohë sa konfliktet janë të buta ato ndihmojnë në kapërcimin e monotonisë dhe shpesh prodhojnë një sferë të kënaqjes dhe shakasë. Kemi thënë më herët se shtëpia është arenë e trajnimit të fëmijëve dhe mësimit të tyre për të qenë të gatshëm për sfidat e jetës jashtë shtëpisë. Për rrjedhim mund të shtojmë se shtëpia e lirë nga ndonjë lloj i konfliktit nuk është pozitive, e as nuk kontribuon në rritjen e një fëmije me të gjitha tiparet e dëshiruara.
Përgatiti: Prinderimi.com
Autor: Prof. Dr. Abdul Kerim Bekkar, “Problemet e fëmijëve”
