Ndjenjat mbeten ndjenja. Ato nuk mund t’i përkufizoni kurrë si të drejta apo të gabuara. Duke pranuar se ju parapëlqeni të pozi cionoheni në rolin e një prindi sistematik apo lehtësues për shkak se ju përshtatet më mirë dhe jo për hir të fëmijës, do t’ju ndihmojë që të jeni më pak të ngurtë në pozicionimin tuaj.
Cilëndo filozofi që jeni të prirur të ndiqni, kini parasysh që mirëkuptimi, dashamirësia dhe mirësjellja vlejnë më shumë se gjithçka tjetër në marrëdhënien me fëmijët tanë (kjo vlen gjith- ashtu edhe për shumicën e marrëdhënieve të tjera).
Raphael-Leff vuri re se gratë shtatzëna që anohen më shumë drejt klasifikimit të prindërve lehtësues, priren që të kenë ngritje në sferën emocionale, ndërsa ato që i përkisnin prindërimit siste- matik prireshin për të kundërtën. Ajo vuri re se shtatzënat lehtë- suese janë më shpirtërore dhe mahniten me mrekullinë që zhvillohet brenda vetes, ndërsa ato sistematike përpiqen të kapen sa më gjatë të jetë e mundur në normalitetin që kishin para shtatzënisë, duke mos iu dorëzuar lehtësisht gjendjes së tyre të ndryshuar. Madje, ato mund ta perceptojë shtatzëninë si zaptuese. Kategoria e nënave lehtësuese është më e prirur që ta perceptojnë fetusin si të ishte një mik imagjinar.
Një nënë lehtësuese ndien që identiteti i saj lartësohet gjatë shtatzënisë, ndërsa nëna sistematike ndien se identiteti i saj është kërcënuar. Lehtësueset e konsiderojnë lindjen si një proces tranzicioni të ndërsjellë si për veten, ashtu edhe për foshnjën, por një nënë sistematike e konsideron lindjen si një proces thjesht shumë të dhimbshëm. Po i nënvizoj të gjitha këto dallime për t’ju ndihmuar në normalizimin e ndjenjave që mund të jeni duke përjetuar. Nëse pas shqyrtimit të këtyre tipareve kuptoni që në pjesën më të madhe të periudhës së shtatzënisë dhe të prindërimit ndiheni që jeni në kundërshtim me njërën nga klasifikimet (sistematik apo lehtësues), mund të ndodhë që të ndiheni të vetmuar.
Përgatiti: Prinderimi.com
Autor: Philippa Perry, “Libri që do të dëshironit të lexonin prindërit tuaj
