Reklamimi ose vënia e tavolinës në një vend të dukshëm
Është shumë e rëndësishme që të përgatisësh një tavolinë pune dhe një tabelë shkrimi, ku fëmijët do të mund t’i paraqesin materialet e grumbulluara dhe hapat e punës.
Vendi i shpikjeve dhe i krijimtarisë
Duhet patjetër që të përgatisim një vend të posa- çëm për shpikjet dhe idetë e reja të fëmijëve tanë, si për shembull një tavolinë pune, ose një kompjuter, ose kaseta regjistrimi dhe mjete artistike për vizatim dhe pikturë, etj.; si dhe një fletore të posaçme për regjis- trimin e ideve të reja dhe përmirësimin e tyre. Gjëja më e rëndësishme që kërkohet, është një hapësirë e mja- ftueshme për realizimin e detyrave dhe një vend për ruajtjen e punëve, në mënyrë që askush të mos i ndryshojë apo t’i dëmtojë ato.
Mesazhe pozitive
Vendos shprehje të qarta mbi mure, që shërbejnë për të stimuluar dhe për të nxitur një atmosferë kreati- ve, si për shembull: “Shpikjet e mia janë duke ardhur”, ose “Shpikje = sukses”, ose “Këto janë kushtet për krijimtari”, ose “Me shpikje përparojmë”. Po ashtu, mund të vendosësh nëpër mure shprehje të ndryshme që flasin për kreativitetin, apo fotografi që kanë lidhje me këtë. Mund të vendosim edhe shprehje të ndonjë politikani të shquar ose të ndonjë shkrimtari, rreth kreativitetit, sepse të gjitha këto mesazhe pozitive krijojnë kushte stimuluese për kreativitetin.18. Përgatitja e një formulari
Përgatit një formular rreth ideve të reja dhe shpërndajua atë të gjithë fëmijëve të tu pa përjashtim, dhe shpërbleji ata që sjellin ide të reja.
Angazhimi me punë kreative
Duke u marrë me një punë kreative, kjo në vetvete krijon një hapësirë të madhe për ide të reja, të cilat mund të kenë lidhje me punën që ke në dorë, ose mund të mos kenë lidhje me të.
Fol gjithmonë rreth kreativitetit
Përpiqu që, sa herë që të jesh mes fëmijëve të tu, të flasësh rreth kreativitetit dhe ideve të reja. Po kështu duhet të veprosh edhe kur je me bashkëshorten tënde, me shokët dhe me kolegët e punës, në mënyrë që gjithmonë të përgatisësh një ambient sa më kreativ, si dhe ta bësh mendjen tënde dhe mendjet e të tjerëve të gatshme për të prodhuar ide të reja.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
