Akoma je i vogël
Kjo është një nga shprehjet më të mëdha dhe më të rrezikshme, që mbjellin tek fëmijët varësinë ndaj të tjerëve, duke vrarë shpirtin e kreativitetit dhe ideve të reja. Ajo është një nga pengesat kryesore për shumë prej iniciativave, që mund t’u vijnë atyre në mendje dhe duan që t’i zbatojnë në praktikë.
Kështu, sa herë që ata duan t’i zbatojnë vetë disa ide të reja, e gjejnë këtë parullë të varur në mendjen e tyre (Akoma je i vogël), e cila i fton ata që ta shtyjnë për më vonë të menduarit ose zbatimin. Me kalimin e kohës, fëmija mësohet me këtë stil zvarritjeje të gjërave, duke pritur gjithmonë nga të tjerët, derisa tek ai të vdesë plotësisht shpirti i iniciativës dhe kreativitetit, duke bërë të mundur edhe fshirjen e aftësive për t’u bërë yll, të cilat kishin filluar të shfaqen tek ai që në moshë të vogël.
Prindërve u del për detyrë, që t’ua hapin derën fëmijëve dhe t’u japin mundësi atyre që të zbatojnë çdo ide dhe projekt, si dhe t’i ndihmojnë ata me çdo gjë që kanë nevojë.
Fëmija im, që është në moshën dymbëdhjetë vjeçare, më tha një ditë: “Babi, unë doja të të tregoja ty, se jam i aftë që të marr një notë shumë të mirë në matematikë, pa të kërkuar ndihmë, prandaj dje nuk ta tregova datën e provimit. Sot ne bëmë provim dhe unë nga pesë pikë të mundshme, mora 4.5 pikë”. Kurse unë i thashë: “Ti je i aftë që të përballesh me këto sfida dhe unë kam shumë besim tek aftësitë dhe mundësitë e tua”.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
