Respekti i ndërsjellë
Në pjesën tonë të botës rëndom nuk bisedojmë për të respektuarit e fëmijëve nga të rriturit. Ne bisedojmë për mëshirën ndaj fëmijëve dhe kaq. Kur të përmendim respektin, ne zakonisht e përdorim për t’i qortuar fëmijët se nuk po na respektojnë. Megjithatë, respekti është një mënyrë e kujdesit për interesat dhe të drejtat e tjetrit, ai është një kujdes reciprok.
]Një person, i cili i trajton të tjerët me respekt është i mësuar të respektohet prej të tjerëve. Ata kanë vetrespekt dhe nga vetrespekti i tyre ndjejnë se janë të obliguar ti respektojnë të tjerët. Për rrjedhim, është përgjegjësi e jona si të rritur, të bëjmë shprehi të vendosim respektin në piedestal të lartë në familje, që ai të praktikohet nga të gjithë anëtarët.
Nga vetrespekti ynë dhe nga respekti për të tjerët, fëmijët do të mësojnë si të respektojnë veten dhe neve. Le të shohim disa shembuj në familjet ku babai i respektueshëm dhe respektues e ndërtoi këtë vlerë në familje.
1. Ai i tregon të birit në çdo rast se e do, e respekton dhe i çmon mendimet e tij. Përgjigja e pritur e të birit do të jetë t’i thotë babait dhe të tjerëve se i respekton dhe i çmon mendimet e tyre.
2. Ai i respekton ndjenjat, mendimet dhe dëshirat e adole- shentëve. Kjo do të thotë se nuk bën asgjë për të ngacmuar ndjenjat e fëmijëve e as për t’i bezdisur ata. Kur hapet një temë në familje, është e drejtë e adoleshentit dhe adoleshentes, përderisa ata i përkasin familjes, t’u dëgjohet mendimi i tyre dhe të diskutohet me ta. Dhe kur të vijë koha për t’i numëruar votat, votat e tyre duhet të jenë të barabarta me votat e të rriturve.
3. Babai i cili e trajton të birin me respekt është i vetëdijshëm se ka mundësi që t’i bërtasë, ta injorojë ose ta tallë, mirëpo ai kurrë nuk e bën këtë sepse e kupton se gabimet e tilla me adoleshentët do ti shtyjnë adoleshentët t’ia kthejnë prindërve me të njëjtën monedhë: britmën me britmë, injorimin me injorim.
4. Ai kujton meritat e të birit, i cili është i rregullt në namaz, i zellshëm si nxënës, falës, liberal, i ndershëm e kështu me radhë. Kjo do të ndihmojë babanë të jetë më i balancuar dhe më i drejtë kur adoleshenti të kryejë një gabim. Do të ishte ide e mirë për prindërit t’ia kujtonin njëri-tjetrit pikat e mira kur tjetri duket se i injoron dhe të mos qortohet i biri për një rrëshqitje.
5. Ai e konsideron të rëndësishme atë që i biri i tij e konsideron të rëndësishme. Për shembull, gostia e diplomimit është e rëndësishme për të birin, kështu babai përpiqet të bëjë të pamundurën të marrë pjesë. Nëse biri i tij merr pjesë në një galeri, ose ka një projekt ose ndonjë rast që e konsideron të rëndësishëm, babai duhet të shfaqë interesimin e tij, të marrë pjesë në entuziazmin e të birit dhe të shprehë gëzimin dhe admirimin e tij.
Prinderimi.com
Prof. Dr. Abdul Kerim Bekkar, “Adoleshentët”
(Vështrime mbi adoleshentët, si t’i kuptojmë, si t’u qasemi dhe si të ndërveprojmë me ta)
