Ndoshta ndonjëherë ju ka ndodhur të kaloni afër monitorit të kompjuterit përderisa fëmija juaj bisedon me ndonjë prej shokëve të tij nëpërmjet programeve për bisedë apo për mesazhe instant, dhe shikimi rastësisht u ka mbetur te disa simbole dhe shkurtesa të pakuptueshme, për shkak të të cilave mund të dyshoni në shumë çështje.
Nuk duhet ta hulumtoni në mënyrë të detajuar gjuhën me të cilën komunikojnë të rinjtë online, por është mirë t’i dini disa prej shprehjeve dhe simboleve kryesore. Kjo mund t’ju ndihmojë për dy çështje: mund ta përforcojë komunikimin tuaj të ndërsjellë nëpërmjet çat-it, SMS-it dhe e-mail-it dhe t’ju japë ide më të qartë për atë se çka bisedojnë ata me shokët online. Nuk do të thotë se kur përdorin simbole dhe shkurtesa se ata fshehin diçka, më shpesh duan vetëm ta ruajnë privatësinë e vet. Megjithatë ka dhe të tillë që direkt juve ju fusin në lojë. Si do që të jetë, është e pëlqyeshme t’i dini disa prej shkurtesave më të njohura, që t’i kuptoni më mirë aktivitetet online të fëmijës tuaj.
Ja disa prej tyre:
- LOL – Laughing out loud – qeshem me zë të lartë
- ROFL – Rolling on floor laughing – rrotullohem në dysheme nga të qeshurit
- JK – Just kidding – po bëj vetëm shaka
- AFK – Away from keyboard – larg tastierës
- BAK – Back at keyboard – u ktheva te tastiera
- BRB – Be right back – kthehem menjëherë
- L8R – Later – më vonë
- CUL (CUL8R) – See you later – shihemi më vonë
- PRW – Parents are watching – prindërit po shohin
- PIR – Parent in room – prindi në dhomë
- ASAP – As soon as possible – sa më shpejt që është e mundur
- MIRL – Meet in real life – të takohemi në jetën reale
- F2F – Face to face – ballë për ballë
- SYS – See you soon – shihemi së shpejti
- OMG – Oh my God – o Zot
- WTH – What the hell – çfarë dreqin do?
- CD9 – Code 9: Parents nearby – prindi në afërsi
- POS – Parent over shoulder – prindi po vështron pas shpine
- IRL – In real life – në jetën reale
- A/S/L – Age/Sex/Location – Mosha/gjinia/vendi
