“The British School of Kosova” ka dërguar një deklaratë në emër të redaksisë sonë, e cila ka këtë përmbajtje si më poshtë:
“Në lidhje me një ankesë të publikuar në rrjetet sociale nga një prind i cili ka pretenduar se fëmija i tij nuk është pranuar në shkollë për shkak të gjendjes se veçantë, dëshirojmë të informojmë opinionin publik se:
Shkolla po sa është njoftuar me këtë ankesë, e ka ftuar prindin në takim me drejtuesit e shkollës për të sqaruar ankesën dhe shqetësimin e tij.
Administrata e shkollës ka kontrolluar të gjitha aplikacionet për regjistrim dhe është konstatuar se personi në fjalë nuk ka aplikuar asnjëherë për regjistrimin e fëmijës së tij në shkollë, as fizikisht e as online.
BSK është një ndër shkollat me përfshirjen më të madhe të nxënësve me nevoja të veçanta. BSK mbetet e përkushtuar në respektimin e parimit të barazisë, përfshirjes dhe respektimit të të drejtave të çdo fëmije për arsimim të denjë.”
Ndërsa prindi në deklaratën e tij tregon se aplikimin e tij dhe komunikimin e ka bërë përmes telefonit dhe sjell dëshmi telefonatën e tij, kohën dhe numrin e telefonit. Njëkohësisht është i gatshëm të bashkëpunoj me institucionet për të vërtetën e tij.
