Prindërit luajnë një rol të rëndësishëm në uljen e dhunës nëse i rrisin fëmijët në një ambient familjar të sigurt dhe me dashuri. Sigurisht që ju nuk mund të shmangni çdo dhunë me të cilën mund të ballafaqohet fëmija juaj, por ju mund të ndihmoni që fëmija juaj të ketë një jetë më të mirë.
Disa sugjerime për prindërit
1- Jepni fëmijës suaj dashuri të vazhdueshme dhe kushtoni vëmendje.
Çdo fëmije i nevojitet një marrëdhënie e fortë me prindërit, në mënyrë që të zhvillojnë ndjenjën e besimit dhe të sigurisë. Nuk është e lehtë të tregosh gjithë kohën dashuri ndaj fëmijës. Nëse jeni prind i ri, pa eksperiencë, apo keni fëmijë të sëmurë ose me nevoja speciale, dhe ju duket që fëmija juaj me shume vështirësi reagon ndaj përkujdesjes suaj, atëherë kërkoni mendimin e pediatrit, psikologut apo psikiatrit të fëmijëve.
2 – Siguroni mbikëqyrje të plotë për fëmijën tuaj.
Pa mbikëqyrjen tuaj fëmija nuk arrin të marrë udhëzimet e nevojshme. Këmbëngulni të dini me kë shoqërohet fëmija juaj, kush janë miqtë e tij, etj.
3- Mësojeni fëmijën tuaj si të reagojë në rast të ofendimeve, kërcënimeve.
Mësojini ata si të kontrollojnë inatin. I shpjegoni fëmijës që t’iu shmanget fëmijëve që bëjnë sjelljet e mësipërme.
4- Tregoni fëmijës sjelljet e përshtatshme, duke qenë ju së pari model i tyre.
Fëmijët shpesh mësojnë nga eksperiencat, sjelljet, vlerat dhe qëndrimet e prindërve dhe të motrave e vëllezërve kanë një ndikim shumë të madh te fëmijët. Vlerat e respektit, të ndershmërisë, krenarisë në familjen tuaj janë burim i pashtershëm i fuqisë së fëmijës suaj dhe në të njëjtën kohë e ndihmojnë atë të ballafaqohet me dhunën në ambientin përreth.
5 – Duhet të jeni konsistent rreth rregullave dhe disiplinimit.
Kur i tregoni fëmijës një rregull, i qëndroni besnik asaj. Fëmijës i nevojitet strukturë dhe pritje të qarta rreth sjelljeve të tyre. Kjo i ndihmon fëmijës të njohë se si duhet të sillet ai edhe me të tjerët.
Nëse vendosni rregulla dhe nuk kërkoni që ato të zbatohen, kjo e bën fëmijën konfuz dhe e predisponon për sjellje te pahijshme.
6- Mundohuni ta mbani dhunën sa më larg familjes suaj.
Dhuna në familje e tremb dhe lëndon fëmijën. Ata kanë nevoje për një familje që iu dhuron atyre dashuri dhe jo të rriten me frikë. Një fëmijë i rritur në dhunë, në pjesën më të madhe të rasteve mëson të zgjidhë problemet me dhunë.
Gjithashtu mbani në mend që, nënçmimi dhe grindjet mes bashkëshortëve ngjallin frikë te fëmijët.
Nëse njerëzit në familjen tuaj lëndojnë fizikisht apo edhe verbalisht njëri- tjetrin, është mirë të kërkoni ndihmë nga psikologu apo psikiatri i fëmijëve. Ata mund t’ju ndihmojnë juve ose familjes tuaj për të kuptuar pse ndodh dhuna në familje, apo si ta ndaloni atë.
7 – Përpiquni t’i ruani fëmijët që të shohin sa më pak dhunën ne media.
Raportet tregojnë që dhuna e paraqitur vazhdimisht përmes TV-së, si filmat, lojërat kompjuterike, mund të kenë ndikim negativ në fëmijët.
Ja disa ide për ketë:
- limitoni të shikuarit e TV-së nga fëmijët tuaj në 1-1,5 orë në ditë;
- mbikëqyrni çfarë janë duke shikuar fëmijët në TV;
- flisni me fëmijën rreth dhunës se parë në TV;
- tregojuni atyre sa e dhimbshme do të ishte nëse dhuna që shohin nëpër filma bëhet pjesë e realitetit të përditshëm;
- diskutoni si të zgjidhin problemet pa dhunë;
- mësoni fëmijët të jenë kundër dhunës.
