Ekzistojnë katër stile të përgjithshme prindërimi që shumë prindër i përvetësojnë (natyrisht, stilet e prindërimit nuk përshtaten gjithmonë në këto kategori):
- Autoritar/Diktatorial: Prindërit kërkojnë bindje dhe ndëshkojnë ashpër mosbindjen.
- Me autoritet: Prindërit presin që fëmijët e tyre t’iu përgjigjen kërkesave të tyre, por gjithashtu u përgjigjen edhe kërkesave të fëmijëve. Këta prindër i shpjegojnë qartësisht rregullat e tyre dhe ofrojnë arsye të menduara mirë për normat dhe rregullat, në mënyrë që fëmijët të kuptojnë se kërkesat e prindërve nuk janë të rastësishme, arbitrare apo të pakuptimta.
- Lejues: Prindërit u lejojnë fëmijëve të tyre të bëjnë si të duan. Ka pak konflikte, pasi prindërit lejues lëshojnë pe para dëshirave të fëmijëve të tyre.
- Demokratikë: Prindërit përpiqen të negociojnë me fëmijët e tyre dhe i përfshijnë ata në vendimmarrje.
Në përgjithësi, sociologët parapëlqejnë prindërimin me autoritet. Shqyrtoni stilin tuaj të prindërimit dhe vendosni se në cilën prej katër kategorive të gjera do të mund të vendoseshit ju. Pyeteni veten se përse keni zgjedhur ta përvetësoni një stil të caktuar, ose përse jeni përshtatur me një “stil të veçantë.” Vetë-analiza e këtij lloji do t’ju ndihmojë të rimendoni metodat tuaja, duke u përqendruar në aspektet pozitive dhe përmirësuar ato që janë të mangëta.
Autor: H. Altalib, O. Altalib dhe A. Ebusulejman, 2022
Udhëzues për rritjen e fëmijëve: Marrëdhëniet prind-fëmijë
