Nga Lira Gjika
Jacques Lacan, filozof dhe psikanalist francez i shekullit 20 ka thënë “Funksioni i nënës është t’i mësojë dhe zhvillojë fëmijës dëshirën për jetën. Funksioni i babait është ti mësojë fëmijës së tij dëshirën për ligjin”.
Kur i lexon këto rreshta duken thjesht si fjalë të bukura por në fakt është detyra, përgjegjësia dhe misioni i prindërve. Ti shkruash fjalët është gjëja më e thjeshtë në procesin e edukimit, ti realizosh ato për çdo fëmijë ka treguar që nuk është aspak e lehtë. Kjo jo se prindërit nuk duan por shpeshherë ata vet nuk arrijnë të realizojnë atë që dëshirojnë dhe atë që mund të bëjnë për fëmijën e tyre. Shpeshherë ata nuk e dinë funksionin e tyre. Megjithatë, prindërit e sotëm me gjithë mangësitë që kanë janë shumë më të mirë dhe të përgjegjshëm. Në kohën kur ata kanë qenë të vegjël ishte normale etiketimi, sharja, krahasimi madje dhe rrahja. Të mos merremi me atë që nuk është bërë.
Prindër, përpiquni të ndërtoni marrëdhënien me fëmijën tuaj ashtu siç dëshironi. Zgjidhini fjalët, përdorni fjalë zemre, jepini kohë fëmijës, ashtu siç do i jepni kohë vetes tuaj dhe respektojini ata si njerëz mos i shihni thjesht të vegjël. Gjërat e mira nuk bëhen menjëherë. Rrituni së bashku, ju si prindër dhe fëmijët si të rritur me dëshirë për jetën
