Djali ynë akoma laget gjatës ditës dhe gjatë natës. Çfarë duhet të bëjmë?
Im bir pesë vjeç akoma laget gjatë ditës dhe gjatë natës. Madje në shumicën e rasteve e pyesin nëse i ka ardhur urina, por nuk na thotë dhe e bën në mbathje. Si mund ta zgjidhim këtë problem?
T’i thuash fëmijës: “Mos e bëj më në mbathje, mirë?” përbën trysni.
Së pari duhet ta dini me siguri nëse rrugët urinare dhe sistemi muskulor i fëmijës funksionojnë në rregull. Për këtë duhet ta vizitoni tek mjeku përkatës. Nëse fëmija nuk ka ndonjë problem fiziologjik, duhet të shihni nëse problem është gjenetik apo jo. A ka në familje të rritur të cilët janë lagur kur ishin fëmijë? Nëse ka, problemi mund të jetë gjenetik dhe në këtë rast nuk ka zgjidhje, por thjesht kërkon durim.
Por nëse nuk janë këto, fëmija laget për shkaqe psikologjike. Në këtë rast ose çojeni fëmijët tek ndonjë specialist, ose përpiquni ta kuptoni vetë nëse fëmija përjeton ndonjë trysni psikologjike. Ndonjëherë edhe t’i thuash fëmijës: “Mos e bëj më në mbathje, mirë?”, përbën trysni për të. Ju këshilloj ta merrni në shqyrtim qëndrimin tuaj.
Përgatiti: Prinderimi.com
Autor: Dr. Adem Güneş, “Si veprojnë fëmijët dhe pse?”
