Një raport i kohëve të fundit nga një grup ekspertësh të Resolution Foundation ka gjetur se 34% e të rinjëve të moshës 18-24 vjeç ne UK kanë simptoma të çrregullimeve të zakonshme mendore – përqindja më e lartë e cilit do grupmoshe.
Problemet e shëndetit mendor tek të rinjët janë në rritje. Një gjetje e zymtë e raportit është se 20 vite më parë, kjo grupmoshë kishte më së paku gjasa të kishte një çrregullim mendor të zakonshëm.
Pyetja e madhe është PSE? Si psikologe që studion mirëqenien e të rinjëve, unë besoj së të rinjtë sot ballafaqohen me presione të pa precedent që të shkëlqejnë akademikisht, profesionalisht dhe socialisht. Ky presion mund të manifestohet në forma të ndryshme, duke përfshirë stresin akademik, ankthin e performancës dhe frikën nga dështimi.
Vështirësistë aktuale shoqërore, sikurse kostoja e krizës së jetesës, do t’i përkeqsojnw edhe më shumë këto probleme – siç do të jetë ndikimi i vazhdueshëm i izolimit si dhe humbja e përvojave të vyeshme jetësore gjatë pandemisë.
Një sondazh i ri nga Kolegjit Mbretëror në Londër dhe grupit jo-profitabil të Institut Orygen tregon se shumica e publikut të UK mendojnë së të rinjtë sot kanë kohë më të keqe në gjetje të punës dhe më shumë vështirësi në përballimin e gjërave sesa gjeneratat e mëhershme.
Treguesit e suksesit
Globalizimi dhe avancimet teknologjike kanë transformuar tregun e punës, duke ndarë vendet e punës ashpërsisht në profesione me aftësi të larta ose të ulëta. Kjo ka çuar në theksim më të lartë në aftësi të specializuara dhe arsimim të lartë.
Suksesi në arsim ose karrierë – apo dështimi – është më i dukshëm tani se kurdoherë më parë. Rritja e mediave sociale ka intensifikuar nevojën për të prezentuar një imazh të përkryer të suksesit.
Kyçja në llogaritë e rrjeteve sociale do të sjell lajmërime për dikë që është ngritur në pozitë të punës, fillimin e një punë të re, apo shfrytëzimin e mundësie emocionuese. Kjo mundet potencialisht të shkaktoj ndjenja negative, veçanërisht nëse një i ri ka pasur vështirësi në gjetje të një vendi pune apo edhe intervistë pune.
Sondazhi i Kolegjit Mbretëror të Londrës dhe Institutit Orygen ka gjetur se rrjetet sociale shihen si nje shtytës kryesor në përkeqësimin e shëndetit mendor tek të rinjtë.
“Një sondazh tregon se publiku në UK beson se rrjetet sociale janë faktor i rëndësishëm në një shëndet të dobët mendor tek të rinjtë.” Antonio Guillem
Natyra e pazakontë e burimeve të rrjeteve sociale mund të krijoj standarde jo-reale për bukurinë, suksesin dhe lumturinë, duke çuar kështu në ndjenja pasigurie dhe vetvlerësimi të ulët. Rritja e kohës së qëndrimit “online” dhe presioni për të mbajtur një identitet”online” munden poashtu t’a përkeqësojnë ndjenjën e pamjaftueshmërisë dhe izolimit.
Pandemia i përkeqësoi këto çështje duke intensifikuar ndjenjat e pasigurisë dhe izolimit shoqëror. Mbylljet organizative dhe kërkesat për distancë fizike e ulën mbështetjen dhe kontaktin shoqëror. Studimet kërkimore raportojnë përkeqësim të shëndetit mendor tek fëmijët dhe adoleshentët si pasojë e masave të kontrollit të Covid, posaqërisht tek ata me dobësi paraekzistuese, si disavantazhet socio-ekonomike, neurodiversiteti dhe paftësia.
Një përqindje e lartë i të rinjëve në UK besojnë se shumë fusha janë më keq për ta krahasuar me kohën kur prindërit e tyre kur ishin në moshën e njejtë, 78% mendojnë se janë më pak të aftë të përballojnë gjëra dhe 76% mendojnë se shëndeti mendor është përkeqësuar. Kjo ka potencialin të çoj në ndjesinë e pashpresës.
Nësë të rinjtë e shohin të ardhmën e tyre si të zymtë dhe ndjejnë se nuk mund të bëjnë asgjë për të ndryshuar perspektivat e tyre, ata kanë më pak gjasa që të përfshihen në detyra dhe aktivitete që mund të përmirësojnë situatën ë tyre.
Ndërgjegjësimi për shëndetin mendor
Sondazhi i Kolegjit Mbretëror të Londrës dhe Institutit Orygen ka gjetur se 47% e njerëzve mendojnë se problemet me shëndetin mendor ishin po aq të zakoknshme tek të rinjtë edhe në të kaluarën, vetëm së ato nuk ishin identifikuar si probleme të shëndetit mendor.
Përgjatë dy dekadave të fundit, ka pasur ngritje të ndërgjegjës dhe pranimit të problemeve të shëndetit mendorduke çuar kështu në ngritje të diskursit për këtë tematikë. Kjo ka ndihmuar në ulje të stigmatizimit dhe përmirësit të qasjes në burime të ndryshme. Por, poashtu ka krijuar sfida të reja për të rinjtë në drejtimin e shëndetit të tyre mendor..
Ngritja e ndërgjegjësimit ka fuqizuar të rinjtë që të kërkojnë ndihmë dhe të flasin për vështirësitë e tyre.
Në anën tjëtër, , mënyra se si diskutohet për shëndetin mendor ka krijuar një ndjenjë presioni për të gjetur mënyra për të qëndruar mnëdërisht të shëndetshëm dhe elastik, me një person që është individualisht përgjegjës për mirëqenien e tij mendore. Ky presion mund të jetë veçanërisht sfidues për të rinjtë që po përballen me rrethana të vështira dhe probleme të ndërlidhura me shëndetin mendor, duke çuar kështu në ndjenja të turpit dhe vet-fajësisë.
Të gjithë këta faktor janë të gërshetuar dhe vështirë të izolohen, që do të thotë se nuk ka një zgjidhje të thjeshtë. Por këshilla ime për të gjithë, jo vetëm të rinjtë, është, mundohuni të jeni pjesë aktive në çdo fushë të jetës tuaj, shtyjeni vetën tuaj jashtë kofort zonës, dhe sigurohuni që të i festoni fitoret e vogla
Autore: Fiorentina Sterkaj
Drejtoreshë e departamentit të Shkencave Psikologjike, Shkolla e Psikologjisë, Universiteti Lindor i Londrës.
Përktheu: Visar A. Demiri, Prinderimi.com
