Përpiqem t’i jap fëmijës ushqime të shëndetshme por…
Im shoq dhe unë bëjmë kujdes që ushqimet që hamë dhe pimë të jenë natyrale dhe pa përbërës të shtuar dhe vajzës sonë nuk i japim kurrë gjëra si çokollata apo akullore. Sa të jetë e mundur përpiqemi që këto t’i bëjmë vetë në shtëpi. Por, kur vajza rri me fëmijë të tjerë, i mbeten sytë në çikërrimat që hanë ata. Kjo gjë më lëndon shumë. Ndonjëherë do edhe ajo të hajë nga këto gjëra. Në këtë rast nuk dimë ç’të bëjmë. E shoh se ia do zemra dhe është kureshtare t’ua provojë shijen, por edhe ndërgjegjja s’më lë t’i jap të tilla gjëra. Kemi mbetur mes kësaj dileme. Ju lutemi të na jepni një këshillë.
Nëse keni zgjedhur të ushqeheni me ushqime natyrale, mos hiqni dorë nga kjo gjë.
Përpjekja juaj për ta mësuar fëmijën tuaj me një jetesë të shëndetshme është për t’u lavdëruar. Sa mirë do të ishte sikur të jetuarit shëndetshëm të mos ishte kaq e vështirë dhe çdo prind t’i rriste fëmijët me ushqime natyrale! Ushqimet që konsumojnë fëmijët, ndikojnë jo vetëm në zhvillimin e tyre fizik, por edhe në gjendjen e tyre shpirtërore. Teknologjia e zhvilluar nuk na ofron ushqime natyrale të dala nga toka, por ushqime të prodhuara me metoda sintetike. Ndërkohë që ju po përpiqeni ta ushqeni fëmijën tuaj me ushqimet më natyrale, fëmijët e tjerë përreth hanë ushqime me ngjyra dhe shije nga përbërësit e shtuar. Fëmija juaj i sheh ato dhe i lëshon goja lëng.
Mbetet mes dëshirës për t’i provuar dhe qëndrimit të prindërve që duan ta rrisin në mënyrën më të shëndetshme. Por, unë ju këshilloj këtë: nëse i keni hyrë kësaj rruge dhe përpiqeni t’i jepni vetëm ushqime natyrale fëmijës suaj, mos hiqni dorë nga kjo, por tregohuni të vendosur. Të ushqyerit me ushqime natyrale është pak e mundimshme dhe kërkon kohë. Por, ia vlen barra qiranë. Nëse e udhëhiqni fëmijën tuaj në këtë rrugë me një vendosmëri dashamirëse.
Përgatiti: Prinderimi.com
Autor: Dr. Adem Güneş, “Si veprojnë fëmijët dhe pse?”
