Truri i një fëmije nuk është një tru i një të rrituri në miniaturë. Është në zhvillim e sipër dhe që lidhet me çdo gjë që ndodh përreth. U takon prindërve që të krijojnë tek to një botë fizike dhe socile që të jetë e pasur me udhëzime. Bazuar në shumë vite hulumtimi në neuroshkencë dhe në psikologji, një psikolog i Harvard tregon shtatë këshilla prindërimi për të ndihmuar fëmijën që të bëhet një njeri inteligjent, dhe fleksibël.
1-Përfshijeni fëmijën në aktivitete që mund të mos kenë ndikim në preferencat për të ardhmen e tyre. Një kurs muzike ose vallëzimi do ishin opsion, por asnjëherë me detyrim.
2-Bisedoni dhe lexoni me fëmijën tuaj, këtë duhet ta bëni shpesh herë.
3-Shpjegojini gjërat. Kur ata pyesin nuk duhet të mjaftoheni me një fjalë si përgjigje. Shpjegojani, sa më shumë detaje aq më mirë.
4-Përshkruani aktin ose një veprim, jo personin. Nëse fëmija juaj godet dikë, duhet ti shpjegoni se pse nuk ka vepruar mirë: Si përshembullk që shkakton dhimbje tek personi tjetër etj.
5. Ndihmoni fëmijët t’ju kopjojnë. Nëse ata duan të bëjnë diçka si ju, mësojani
6. Ekspozoni fëmijët (në mënyrë të sigurt) para shumë njerëzve. Sa më shumë njerëz të takojnë, aq më mirë do jetë për to. Mund të marrin ide, të dëgjojnë biseda më rëndësi dhe të arrijnë të zhvillohen. Kështu edhe do kuptojnë më mirë se çfarë mund të duan të bëjnë në të ardhmen.
7. Fëmijët duan të provojnë gjëra vetë pa ndihmën tuaj, si veshja ose lojërat puzzle. Kjo është një gjë e mirë. Edhe sjelljet në dukje të gabuara janë përpjekje të fëmijëve për të kuptuar efektin e tyre në botë. Nëse ai hedh një rrobë në tokë dhe pret që ju ta ngrini, nuk është se po ju manipulon. Thjesht po mëson në lidhje me fizikën e gravitetit. Po mëson gjithashtu se çdo veprim ka një efekt.
*CNBC/ Përkthyer nga Tiranapost.al.
