Të prindërosh nuk është e lehtë, por është diçka për të cilën Jena Malone, një nënë 32 vjeç vendosi ta rrëfejë e të tregohet e sinqertë. Më një postim në Instagramin e saj Jena njoftoi se do fliste për amësinë, depresionin dhe vetëvlerësimin shoqëruar me një foto artistike të vetes dhe të birit, Ode Mountain, 14 muajsh.
‘Nuk kam asgjë të bukur për të thënë, kjo është një luftë e vërtetë. E di që nuk jam e vetmja prandaj mendoj se kam nevojë ta ndaj me të tjerët, me shpresën për tu ndjerë se nuk jam vetëm” thotë Jena e cila vijon më tej duke përmendur një serë punësh që e mbajnë të ngarkuar gjatë gjithë ditës, si kujdesi për djalin, punët e shtëpisë, lodhja fizike, stresi etj.
Malone ka qenë kryesisht në qendër të vëmendjes që prej pritjes së foshnjës. Ajo është mjaft aktive në mediat sociale së bashku me të fejuarin Ethan DeLorenco. Udhëtimet e ndryshme familjare janë pasqyruar në Instgramin me emrin e saj por tashmë thotë se gjithë ai vetëvlerësim është ulur sepse nuk ka më kohë të mendojë për veten.
Me lindjen e djalit, Jena thotë se nuk ka qenë aktive në Instagram, nuk ka kohë as të postojë e as të shikojë çfarë ndodh në jetën virtuale.
Madje ajo shton se gjërat që më parë i dukeshin të rëndësishme, tashmë pas lindjes i duken të pakuptimta dhe humbje kohe, me besimin se pas rritjes së djalit do i kthehet jetës virtuale dhe kujdesit ndaj vetes, gjëra që i pëlqejnë aq shumë të bëjë. Por duke treguar lodhjet e saj fizike dhe mendore ajo i dedikon edhe një status djalit të saj:
“Gjithçka që unë mund të bëj djali im i dashur është të mësoj se çfarë është të jesh njeri, në një planet të ndërlikuar me kaq shumë urrejtje, Do të tregoj e mësoj se si jeton historia jonë në lëkurën tonë, të mirën të keqen dhe të shëmtuarën e saj, por ka edhe të bukura plot”.
“Do të mësoj ritualet e mirënjohjes dhe dashurisë dhe shpresoj që të të nguliten thellë në mendje e të bëhesh një njeri i mirë”. Tiranapost.al E.B
