(Shpikin, sajojnë histori dhe thurin rreth vetes një univers magjik)
Nevoja:
- kënaqësi;
- t’i shquash si mashkull apo femër;
- të kenë miq;
- të përdorin imagjinatën;
- t’i dëgjojnë;
- t’i nxisin;
- t’i respektohet ritmi i tyre.
Disiplina:
- duhet bërë kujdes me disiplinën që t’u përshtatet sa më shumë fëmijëve, të cilët janë fort të ndjeshëm ndaj talljeve;
- të fillosh t’u japësh përgjegjësi të vogla;
- të krijosh mbështetje pozitive;
- t’ua përcjellësh mesazhet e tua prej prindi në vetën e parë (“Unë…”);
- të japësh gjithmonë shpjegime të shkurtra e të qarta;
- të ndërtosh ritual në lidhje me vajtjen në shtrat, larjet apo vaktin e ngrënies;
- ta përballësh me pasojat e veprimeve të tij, menjëherë pas një veprimi negativ;
- ta përballësh me pasojat logjike dhe të natyrshme të cilitdo veprim që bën;
- ta dënosh;
- të kujtosh se në këtë moshë fëmijët nga natyra:
– nuk e kanë konceptin e mashtrimit (ata thjesht rrëfejnë histori);
– përjetojnë frikësime të vërteta, pasi imagjinata e tyre është shumë pjellore;
– e kanë shumë për zemër t’i manipulojnë prindërit;
– rreken t’i pëlqejnë prindit të seksit të kundërt;
– imitojnë shokët e tyre.
Nuk duhet harruar se të gjitha këto përvetësohen nëpërmjet nëndijes dhe shkojnë në të mirë të saj. Për shembull, është e sigurt që do të mendoni për nënën tuaj nëse dikush ju thotë:
– Mos mendoni për nënën tuaj.
Po kështu, nëse i thoni një fëmije:
– Mos ia shkul flokët Natalisë, ju arrini të gjeni shumë shpejt atë që do të mendojë në çastin pasardhës. Ndaj është e rëndësishme që gjithmonë të themi atë që duam të bëjë fëmija dhe jo atë që nuk duam. Pra, duhet t’i themi:
– Dua që të luash në bahçe. dhe jo:
– E ke të ndaluar të luash në rrugë.
Përgatiti: Prinderimi.com
Autor: Danielle Laporte, “Vetëvlerësimi i fëmijëve 0-6 vjeç”
