Te metodat dhe rrugët e zhvillimit të kreativitetit, përmendëm rëndësinë që ka aftësia për marrjen e vendimeve. Këtu do ta përmendim përsëri, ndërsa po flasim për rrugët e zhvillimit të personalitetit, sepse kjo është një nga elementët plotësues më të rëndësishëm të personalitetit të një ylli.
Këto të dyja nuk janë në kundërshtim me njëra-tjetrën, sepse aftësia për të marrë vendime, ashtu siç është një nga elementët kryesorë për zhvillimin e kreativitetit tek fëmijët, në të njëjtën kohë është edhe një cilësi e pandashme e një personaliteti të fortë.
Babai që nuk ia jep mundësinë fëmijës së tij që të vendosë vetë edhe për gjërat më të rëndomta, ai padyshim që do ta pengojë atë për të marrë vendime edhe për çështje shumë të rëndësishme, siç është martesa, drejtimi që do të ndjekë në studime, përzgjedhja e vendit të punës, si dhe shumë vendime të tjera të rëndësishme në jetën e njeriut.
Ky lloj kontrolli dhe dominimi i plotë nga ana e prindërve mbi fëmijët e tyre, nuk vjen papritur dhe menjëherë, por fillon që në fëmijëri dhe tek çështjet më të rëndomta, të cilat kanë nevojë për një vendim të marrë nga vetë fëmija.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
