Format e letrave
Mësoju atyre artin e dhënies së formave të ndryshme letrës, sepse fëmijët gëzohen shumë kur shikojnë se si një copë e vogël letre kthehet në një aeroplan, ose në një raketë që fluturon, ose në një anije, ose në një freskuese. Me disa lëvizje me gërshërë, mund të realizojmë zbukurime të bukura dhe forma të tjera të ndryshme.
Mësojua fëmije të tu disa nga këto lëvizje, pastaj lërja radhën atyre që të përdorin idetë e tyre krijuese.
Loja e fshehjes dhe kërkimit (kukafshehthi)
Bashkë me kënaqësinë që u dhuron fëmijëve kjo lojë, ajo mbjell tek ata edhe dëshirën apo përpjekjen për të gjetur atë që është e fshehtë. Ajo, po ashtu, i forcon lidhjet e fëmijëve me prindërit e tyre, gjë që ka ndikim të madh tek ata, si dhe e përgatit shpirtin kreativ tek ata.
Gjëegjëzat
Një nga metodat më të rëndësishme, që zhvillojnë shpirtin e kreativitetit dhe të mendimit tek fëmijët, janë edhe gjëegjëzat. Është për të ardhur keq, sepse gjyshë- rit dhe të parët tanë në të kaluarën e përdornin shumë këtë metodë, për të kaluar kohën e tyre me fëmijët e tyre, ndërsa tani, në kohët moderne, kjo metodë është harruar ose gati po harrohet plotësisht.
Nga dobitë e gjëegjëzave, përmendim:
a. Vënia në lëvizje e logjikës dhe nxitja e saj për të menduar për shumë çështje të reja.
b. Të mësuarit me përgjigjet e shpejta instiktive.
c. Gjetja e zgjidhjeve alternative dhe të shpejta.
Këshillohen prindërit që të sigurojnë disa libra me gjëegjëza për fëmijët e tyre.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
