Fëmijët tuaj priren të sillen me ju në të njëjtën mënyrë që ju silleni me ta. Juve nuk do t’ju pëlqente që ndërsa e pyesni fëmijën tuaj për ecurinë e ditës në shkollë ata të drejtohen nga dritarja dhe të thonë: “Shiko, një ketër!”
Gjithashtu, është mirë që t’i njoftonit edhe edukatoret e kopshtit apo kujdestarët e fëmijës suaj që ju do të parapëlqenit që ndjenjat e fëmijës të mirëkuptohen dhe jo të përdoret metoda e shpërqendrimit. Duke e shpërqendruar një fëmijë nga një lodër që po e mban një fëmijë tjetër, me qëllim që të shmangësh një konflikt, nuk i ndihmon ata që të jenë mirëkuptues apo të mësojnë që ta administrojnë një konflikt nëpërmjet marrëveshjes. Shman- gia nga ndjenjat e vështira nuk përbën mënyrën e duhur për t’i trajtuar ato.
Nëse fëmija juaj dëshiron të ketë diçka të cilën ju nuk doni që t’ia jepni, për shembull çelësin e makinës, duhet t’ia bëni të qartë që nuk mund ta ketë dhe jo ta shpërqendroni atë. Fëmija parapël- qen më shumë të dëgjojë se përse juve nuk ju pëlqen që ai të luajë me çelësin sesa kur i shpërqendroni duke u thënë: “Ooooh, shiko sa kukull e bukur!”. Në vend që ta shpërqendroni nga ajo që po për- jetojnë, ju mund ta ndihmoni që t’ia qetësoni ndjenjën e irritimit, për shembull duke i thënë, “Ti je i nervozuar sepse unë nuk mund të të lejoj që të luash me çelësin. E kuptoj irritimin tënd!”
Nëse qëndroni të qetë dhe i përqafoni ndjenjat e fëmijëve tuaj, ata do të mësojnë mënyrën se si t’i përqafojnë vetë ndjenjat e tyre. Mund t’ju duket një proces shumë më i gjatë sesa thjesht t’i shpër- qendroni nga çelësi, por koha që po investoni do t’i ndihmojë ata të përvetësojnë zakone të dobishme për veten e tyre. Nëse ju i shpërqendroni sistematikisht fëmijët tuaj nga mënyra se si ndihen dhe nga përjetimet e tyre, në mënyrë të pavetëdijshme jeni duke ua dëmtuar atyre aftësinë e të qenit i përqendruar.
Mendojeni në këtë mënyrë: nëse fëmija juaj lëndohet apo ndjenjat e tij lëndohen ose dëshirat e tij nuk realizohen dhe ju nuk i ndihmoni të punojnë me ndjenjat që po përjetojnë, por i shpërqendroni nga ato ndjenja, jeni duke i udhëhequr fëmijët tuaj drejt të qenit i papërqendruar ndaj detyrave të vështira. Ju nuk do të dëshironit që fëmija juaj tëshpërqendrohet lehtësisht kur do t’i duhet që të përballet me de- tyra të vështira.
