Ne dëshirojmë që jeta e fëmijës sonë të jetë pa dhimbje dhe shqetësime. Sigurisht që ne nuk dëshirojmë t’i bëjmë ata të vuajnë për shkak se kemi qenë të pafatë në zgjedhjet tona në marrëdhënien që kemi pasur, apo sepse kemi një marrëdhënie kofliktuale në lidhjet tona. Por, është e pamundur që t’i mbrojmë ata plotësisht. Askush nuk e ka jetën pa shqetësime, pikëpyetje të pazgjidhura, dëshira dhe humbje.
Mënyra më e mirë për të lehtësuar dhimbjen e fëmijëve është që t’u qëndroni atyre përkrah dhe pranë sa herë që ata ta ndiejnë të nevojshme. Ju duhet të jeni të pranishëm për fëmijën tuaj dhe për njerëzit pranë jush. Jini të hapur dhe pranojini vendimet dhe ndjenjat e tyre.
Ndoshta nuk do të jeni të aftë që t’ua asgjësoni dhimbjen tërësisht, por duke qenë të pranishëm në atë dhimbje, në vend që ta mohoni atë apo ta shtyni, ju mund të jeni shoqërues i dhimbjes së tyre. Socializimi me dhimbjen e bën atë më të lehtë për ta përballuar.
Përgatiti: Prinderimi.com
Autor: Philippa Perry, “Libri që do të dëshironit të lexonin prindërit tuaj”
