Rëndësia e të kuptuarit nga fëmija të asaj që e lexon
Ne lexojmë për të kuptuar, prandaj nuk duhet të harrojmë këtë as në raport me fëmijën. Duhet të sigurohemi se fëmija e kupton atë që e lexon. Në kohën tonë gjërat janë lehtësuar, pasi botuesi e tregon moshën të cilës i përshtatet libri. Nëse nëna vëren për shembull se fëmija nuk i ka lexuar tregimet që ia ka blerë, kjo mund të tregojë se ato janë matanë kapacitetit të tij për t’i kuptuar. Një zgjidhje është që ne t’i lexojmë tregimet me fëmijën dhe të shpjegojmë ndonjë fjalë ose fjali të pakuptueshme.
“Nëna mund të vërejë se fëmija i saj është i ngadalshëm në të kuptuarit dhe se ai duket se nuk e kupton një tregim të caktuar. Në këtë rast është mirë t’i blihen libra me tregime për moshën e tij të saj.”
Kur të ketë arritur një nivel më të lartë dhe të ketë pasuruar fjalorin, të kuptuarit e tij do të përmirësohet. Në këtë rast nëna mund të zgjedhë tregime që janë më afër moshës së tij të saj.
Një nënë vuri se fëmija i saj nuk përcillte tregimet që ia lexonte, kështu që e urdhëroi vëllanë e tij, që ishte tri vjet më i madh të kujdesej për këtë. Vëllai më i madh filloi të lexonte me vëllanë e tij dhe t’i sqaronte shprehje të caktuara, mirëpo vëllai më i vogël polemizonte me të dhe i refuzonte interpretimin.
Kjo nganjëherë kalonte në qërim hesapesh. Në këtë rast, mund të shihet se fëmija më i madh nuk është gjithmonë zgjidhje e duhur për të shërbyer si mësues për vëllanë ose motrën më të vogël.
Përgatiti: Prinderimi.com
Autor: Dr. Abdulkerim Bekkar, ”Fëmija lexon”
