Lëvdata e qëlluar
Lëvdatat forcojnë mirëbesimin e fëmijës, duke e bërë atë që t’i bëjë detyrat me pasion më të madh.
Por, duhet të tregoheni të kujdesshëm teksa e lavdëroni:
1. Shmangni gjërat e përgjithshme; përkufizoni atë që shihni.
Në vend të “paske bërë një pikturë shumë të bukur”, thoni: “Ngjyrat e ngrohta qenkan shfrytëzuar së bashku.”
2. Mos bëni refleksione lidhur me të ardhmen, orientohuni nga e tashmja.
Në vend që t’i thoni “do të bëhesh një piktor i madh”, thoni: “Vërtet që këtë pikturë e ke bërë me pasion e durim.”
3. Tregoni emocionet tuaja. “Duke e shikuar këtë pikturë më kaploi një kënaqësi, po ti si ndjehesh?’
4. Përkufizojeni shkurtimisht atë sjellje që meriton të lëvdohet:
“Më ka lënë mbresa vendosmëria jote në këtë pikturë.”
Mos i thoni “inteligjent” fëmijës suaj
E di që prindërit, me qëllimin e mirë që fëmijës t’i rritet vetëbesimi, përdorin shprehje të tipit “mendjemprehtë”, “inteligjent”, “shumë inteligjent” etj., por, ja që ato ndikojnë negativisht në zhvillimin e personalitetit dhe të sjelljes së fëmijës.
Mos i përdorni më! Atyre që i përdorin me butësi tër- hiqini vërejtjen. Pse kështu?
Sepse fëmija i bën trysni vetes nën pretekstin se “duhet të bëjë gjithçka mirë”.
Mund ta shohë veten si superior ndaj fëmijëve të tjerë, gjë që e përjashton vetë atë. Këtë përkufizim (“i mençur”) e mendon si “epërsi”, gjë që e shtyn të përçmojë fëmijët e tjerë, duke i trajtuar ata si për gjynah.
Fëmija mundohet të pëlqehet e të simpatizohet nga personi që e jep këtë kualifikim, gjë që e dëmton personalitetin e fëmijës. Në vend që të mundohet t’i kryejë punët siç duhet, përqendrohet te vjelja e lëv- datave. Nëse nuk i merr këto të fundit, atëherë men- don se ka dështuar.
Në këtë mënyrë shpërfillet përpjekja e fëmijës që lidhet pas faktorit “inteligjencë”. Fëmija nis të men- dojë se gjithçka mund të bëhet falë mendjemprehtë- sisë, e për pasojë nuk përqendrohet te mundi, por te rrugë më të shkurtra.
Duke i thënë vetes: “Po, jam inteligjent! Unë ia dal”, fare kollaj mund të anojë nga dembelia.
Lëvdata më e mirë pas një pune të bukur është marrja e informacionit se si është bërë ajo punë dhe vlerësimi i mundit që është derdhur. Lëvdata më e mirë për fëmijën që ka marrë një notë të mirë në provim është kjo: “Je munduar shumë për këtë rezultat. Të përgëzoj!”
Përgatiti: Prinderimi.com
Autor: Ramazan Shimshek, ”Fëmijët e tabletit” (Metoda psikologjike të kohës për fëmijët e kohës)
