Qendrat tregtare janë një makth i vërtetë për shumë familje. Në fakt, familjet dalin për të blerë me qëllimin për të kaluar një copë kohe të këndshme, si dhe për të bërë gjëra së bashku. Por, për fëmijët, qendrat tregtare apo shopping mallet janë vende ku ata mund të bëjnë çfarë duan dhe ku mund të blejnë atë që kanë qejf.
Ata e dinë se prin- dërit nuk mund t’u thonë jo në sy të njerëzve, ndaj dhe ata janë të gatshëm të përdorin çdo metodë, dhe në përgjithësi ia dalin në këtë drejtim. Nëse doni që metoda të cilën do t’u tregoj të jetë e suksesshme, fillimisht duhet të aplikoni me- todën e pushimit në shtëpi, gjë që e shpjeguam në kapitu- llin pararendës.
Nëse doni ta shmangni fëmijën tuaj nga veprimet dhe blerjet e pakontrolluara, para se të dilni për pazar jepni “të drejtë” që të marrë ato që do. Më e përshtatshmja është t’i thoni se mund të zgjedhë dy ose tri gjëra, dhe kësisoj tash- më ju keni bërë një marrëveshje me të.
Dhe kur të jeni duke i blerë diçka, duhet t’i kujtoni se edhe sa gjëra ka të drejtë të zgjedhë. Kur t’i vijë radha gjësë së fundit, kujtojeni sërish: “Kjo është gjëja e fundit që mund të marrim. Nëse do me- rre, ose zgjidh diçka tjetër.”
Fëmijët e duan shumë këtë lojë. Në kuadër të kësaj stra-
tegjie mund të përdorni edhe lista që shënojnë njërën nga
mundësitë për blerje. Fëmijët i shfrytëzojnë si bileta këto lista.
Dhënia e kësaj lirie e qetëson fëmijën.
Përtej kësaj, ajo që është më e rëndësishmja është se evitoni ndonjë mosmarrëveshje të mundshme që mund të lindë në dyqan apo në qendrën tregtare.
Përgatiti: Prinderimi.com
Autor: Ramazan Shimshek, ”Fëmijët e tabletit” (Metoda psikologjike të kohës për fëmijët e kohës)
