Shumica e familjeve e dinë këtë metodë, por shpesh nuk kanë njohuri se për cilat sjellje dhe në ç’mënyrë duhet ta përdorin. Metoda e pauzës është metoda më efektive për të shmangur sjelljet impulsive, agresive dhe ato që përsëriten vazhdimisht. Por, ka rëndësi mënyra se si do të aplikohet.
Sjelljet që mund të shmangen nga pushimi i shkurtër janë:
- goditja
- kafshimi
- pështyrja
- fjala e keqe
- dëmtimi i qëllimshëm i gjërave
Zbatimi
Është një metodë e përshtatshme për fëmijët e mo- shës 4-12.
• Shpjegojeni me një gjuhë të kuptueshme nga fëmija. Tregojini se këtë e keni bërë me qëllim, për të mos përsëritur një veprimi të gabuar të tij. Tregojini për vendin dhe kohën e pushimit.
Vendi i qetësimit duhet të jetë i mërzitshëm, por i sigurt. Për fëmijët e vegjël mund të jetë një qoshe e sallonit. (Kujdes vendeve të rrezikshme!)
Sapo të shfaqet një sjellje negative, brenda dhjetë sekondave çojeni në këtë vend.
Mos merrni një qëndrim pozitiv ose negativ. Jini as- njanës. Nëse nuk pranon të shkojë, lëreni.
Merrni me vete një orë me zile. Mund të përdoret edhe alarmi i telefonit.
Mos u merrni me të gjatë pauzës, edhe nëse qan me zë.
Mos e shfrytëzoni dhomën e tij të fjetjes.
Zakonisht, periudha e pauzës është një minutë, për çdo grupmoshë.
Pasi të përfundojë kjo taktikë vazhdoni jetën tuaj normale, pa ia kujtuar atë që ka bërë.
Përgatiti: Prinderimi.com
Autor: Ramazan Shimshek, ”Fëmijët e tabletit” (Metoda psikologjike të kohës për fëmijët e kohës)
