Shkaqet e egoizmit te fëmija
Egoizmi përfitohet nga shoqëria
Një numër i studimeve pohojnë se kontributi i gjeneve për egoizmin është i kufizuar, se sjellja egoiste përfitohet nga familja e fëmijës dhe pastaj nga mjedisi në të cilin rritet fëmija. Nëse një fëmijë e vëren vëllanë ose motrën më të madhe se është e interesuar vetëm në çështjet e saj dhe në marrjen në pronësi të çdo gjëje, fëmija do të marrë këtë si sjellje normale. Në anën tjetër, kur ai vëren se gjërat i jepen nga ata që janë përreth tij shumë lehtë dhe me bujari, fëmija do ta marrë këtë si një gjë të drejtë dhe të përshtatshme.
Ky fakt është kuptuar nga shumë nëna të mençura. Shohim se si një nënë e mirë e inkurajon fëmijën e saj t’u ofrojë fëmijëve të vizitorëve disa lodra të tij, ti lejojë të luajnë me biçikletën e tij ose të hynë në dhomën e tij. Ndërkohë ajo nuk harron të përqafojë dhe të puthë kur ai shfaq mikpritje dhe i jep komplimente të shumta. Fakti se egoizmi është një tipar i përfituar në shoqëri, i ngarkon prindërit me detyrën e mbjelljes në vetëdijen e fëmijëve të vlerave të bujarisë, ndarjes së gjërave, fisnikërisë nëpërmjet sjelljes personale dhe veprave bujare.
Të ndierit i dobët ose i neglizhuar
Nëse fëmija ndihet se është i dobët ose i neglizhuar nga ata që i ka përreth tij, ka shumë gjasë që ai të izolojë veten dhe të bëhet më i mbyllur në karakterin dhe gjërat e tij. Kjo ndjenjë e dobësisë mund të zhvillohet për shkak se fëmija ndien se ai është objekt i agresionit, sepse ai frikësohet nga ndonjë ngacmim që i është bërë në të kaluarën dhe i cili mund të përsëritet.
Në çdo rast, është shumë e mundshme që fëmija në rrethana të tilla të abstenoj nga loja me të tjerët, sepse ai ndien se përzierja me të tjerët ose shoqërimi me ta ekspozojë ndaj lëndimit, të cilit i është ekspozuar më parë. ta do
Gjithashtu është edhe ndjenja e fëmijës së neglizhuar nga prindërit dhe vëllezërit dhe motrat. Kur fëmija të ndihet i neglizhuar, ai do të kërkojë strehim në botën e gjërave. Për rrjedhim, privimi nga ndjenjat e ngrohta, nga përqafimet dhe nga mbështetja e familjes janë disa nga faktorët më të rëndësishëm në ndezjen e flakës së egoizmit në vetëdijen e fëmijëve.
Plotësimi i të gjitha dëshirave
Padyshim se gjërat i kanë dy ekstreme. Prandaj në edukimin e fëmijëve duhet të ndjekim rrugën e mesme dhe të baraspeshuar. Llastimi i fëmijës do të thotë mosrefuzimi i asgjëje që ai e kërkon. Ka familje që fëmijës i siguron gjithçka dhe nuk i kërkon asgjë.
Rezultati do të jetë një ndjenjë e vetëmjaftueshmërisë në karakterin e fëmijës. Ata më nuk dëshirojnë të përzihen me të tjerët ose të ndajnë gjëra me ta.
“Shpesh ndodh që përmbushja e tepërt e dëshirave të ngjallë te fëmija ndjenjën e të qenit në qendër të interesave dhe kujdesit të të tjerëve dhe kjo mund të çojë në ndjenjën e egoizmit.”
Përgatiti: Prinderimi.com
Autor: Prof. Dr. Abdul Kerim Bekkar, “Problemet e fëmijëve”
