Krijimi i një orari ditor për të kultivuar mendësi të zhvillimit te fëmijët
Kur të krijohet orari ditor i fëmijës, është e rëndësisë parësore që ky proces të jetë bashkëpunues dhe integrues. Orari s’duhet të jetë i detyruar për fëmijën por një vendim i përbashkët pranues për të rritur produktivitetin ditor të fëmijës.
Përdorimi i veglave online dhe planifikuesve të orarit ditor është mënyra e duhur për të krijuar një plan të fuqishëm ditor. Disa nga planifikuesit më të mirë të orarit ditor mund të integrohen me email-e, kalendare dhe aplikacione të tjera për përdorim më të lehtë me telefon të mençur.
4 këshilla për të krijuar orarin më të mirë ditor për fëmijët
- Prioritizo një mendësi të zhvillimit
Nga metodat më të mira për t’iu dhënë kuptim orareve është t’iu japësh hapësirë vetëdijës, mendimit pozitiv dhe aktiviteteve që kultivojnë mendësinë e zhvillimit. Kjo përfshin meditimin, leximin dhe aktivitete të tjera që forcojnë analizën e vetvetes dhe vetëzhvillimin e hershëm.
- Aktivitetet rezervë
Anulimet dhe shtyerjet janë pjesë normale e çdo orari, prandaj është e rëndësishme të keni aktivitete rezervë. Kjo gjithashtu minimizon kohën joproduktive në proces të ndryshimit të aktiviteteve, dhe fëmijët janë të angazhuar gjatë gjithë ditës.
- Futni mundësi aktive zgjedhjesh në orare
Për t’i bërë oraret sa më ndikuese është shumë më e udhës t’i bëni ato motivuese sesa rutina strikte. Ju mund të shtoni opcione përbrenda kohëve të orarit me qëllim që fëmijët të zgjedhin aktivitetet të cilat duan t’i bëjnë. Ata mund të zgjedhin, ta zëmë, një orë leximi ose një orë mësimi online për çdo ditë.
- Bashkëpunoni në një orar që ka sukses
Bashkëpunimi është i rëndësishëm kur dizajnoni orarin e duhur, prandaj shtimi i aktiviteteve që fëmija pëlqen është kyç. Të vëni kohën e mbarimit ka po aq rëndësi sa të vëni kohën e nisjes, ngaqë fëmijët e dinë saktësisht kur të kthehen në shtëpi kur janë duke luajtur jashtë.
Ne diskutuam çka duhet të përfshijë orari ditor i fëmijës tënd. Le të zbulojmë veglat dizajnuese për t’ju treguar si mund të duket orari ditor i fëmijës tënd.
Burimi: Splashlearn
Solli në shqip: Prinderimi.com
