Këshilla 1: Njohja me sfidat e prindërimit
Janë disa pjesëza këshillash të rëndësishme për t’iu kujtuar që ashtu siç janë hapat e parë të zhvillimit në jetën e përditshme po aq të rëndësishëm janë dhe hapat e parë në botën online. Si prind ju ndoshta nuk mund të dini gjithcka për jetën online si chat-et, media sociale, postimet, blogjet etj por ju dini mjaftueshëm për prindërimin, rregullat, parimet, kufinjtë në aspektet e tjera të jetës së fëmijës tuaj.
Këshilla 2: Lundroni në internet bashkë më fëmijën
Ju si prind duhet të jeni personi kryesor që të udhëzoni fëmijën tuaj për mënyrën se si duhet ta përdrin internetin duke e eksploruar atë bashkë. Kjo do të ndikojë në ndarjen me ju të eksperiencave pozitive dhe negative të fëmijës tuaj online. Duke bërë këtë fëmija juaj do ta ketë më të lehtë që të pranojë rregullat kryesore të përdorimit të kopmjuterit. Ju duhet të inkurajoni fëmijën tuaj që të jenë të kujdesshëm në dhënien e informacionit personal.
Këshilla 3: Shikoni çfarë shikon dhe lexon fëmija juaj në internet
Nuk është i mjaftueshëm fakti që ju keni vendosur kompjuterin në një vend qendror dhe të dukshëm në shtëpinë tuaj nëse ju nuk i kushtoni vëmendje asaj se çfarë fëmija juaj po bën me kompjuterin. Uluni dhe ju afër kompjuterit me fëmijën tuaj dhe bisedoni rreth asaj se çfarë po bën online.
Këshilla 4: Lexoni më shumë në lidhje me atë çfarë shikoni në ekranin që po përdor fëmija juaj
Nëse ju pyesni fëmijën tuaj se çfarë ata po bëjnë dhe ju nuk e kuptoni përgjigjen atëherë është koha për të lexuar rreth asaj. Vizitoje më vonë atë faqe interneti dhe kërko për lajme ose artikuj në lidhje me fjalët kyçe që do gjesh tek ajo adresë.
Këshilla 5: Përdor mekanizmat e teknologjisë për internet të sigurtë në shtëpi
Ka një sërë programesh (software), të cilat instalohen në kompjuter, qëllimi i të cilave është të krijojë mundësi që të mbroni fëmijën tuaj online.
Filtrat e internetit, software dhe udhëzuesit, të cilët mund ti kërkoni dhe pranë subjekteve në të cilat ju bleni kompjuterat mund të ua lehtësojnë monitorimin e aktivitetit të fëmijës tuaj online.
Këshilla 6: Tregohuni të vëmendshëm ndaj sinjaleve paralajmëruese
Një fëmijë që heziton të flasë më familjarët në lidhje me aktivitetin e tij online ose që duket i tërhequr nga familja dhe miqtë mund të ketë një problem. Ndryshimi i personalitetit të fëmijës tuaj mund të jetë një shënje se dicka po ndodh me fëmijën tuaj dhe ekspozimi ndaj pornografisë dhe cyberbullying mund të jetë një shkak i këtyrë ndryshimeve.
Këshilla 7: Mësoni t’ju thoni fëmijëve Jo!
Nëse fëmija juaj vazhdimisht kalon shumë kohë në internet ose shpërfill rregullat në lidhje me përdorimin e kompjuterit është koha që të merrni masa deri në shkëputjen e lidhjes së internetit.
Kjo mund të jetë një masë paraprake me të cilët fëmijët tuaj mund të mos pajtohen, por ata mund të mbijetojnë pa të. Sigurohuni që të jeni të qartë që të argumentoni këtë vendim si dhe për kohëzgjatjen e vendimit.
