Udhëzues për prindërit rreth lojës
Super Mario Bros. Wonder
Mosha: 7+
Lojë nostalgjike që inkurajon punën në grup.
Vlerësimi nga: Chad Sapieha, recensues pranë Common Sense Media
Klasifikimi i Common Sense Media: Film për fëmijë
Formati: Lojë | Nintendo Switch | 2023
Rreziqet: Ashtu si në shumicën e lojërave të Marios, lojtarët mund t’i bëjnë Marion dhe miqtë e tij të hipin mbi armiqtë për t’i shtypur ata, të hedhin topa zjarri dhe të dërgojnë predha. Nënkuptohet se armiqtë e mposhtur, thjesht rrëzohen në vend se të vriten. Nuk ka rrezikshmëri të theksuar!
Shumë apo pak?
Çfarë do të gjeni dhe çfarë nuk do të gjeni në këtë lojë.
Mesazhe pozitive
Loja me shumë lojtarë promovon punën në grup dhe ndjeshmërinë, duke nxitur lojtarët për të ndihmuar njëri-tjetrin të ‘’rilindin’’ dhe të marrin fuqi. Gjithashtu inkurajon konkurrencën miqësore midis lojtarëve në nivel lokal dhe në nivel të zgjeruar në internet.
Modele të roleve pozitive
Mario dhe miqtë e tij janë heronj klasikë për të shpëtuar një mbretëri fantazi, dhe ata kanë shumë fraza positive që përdorin, si për shembull: “le të shkojmë!”, që e përdorin gjatë rrugës. Ata mund të hyjnë në përleshje me armiqtë dhe të luftojnë për një të mirë më të madhe.
Përfaqësime të ndryshme
Heronjtë njerëzorë janë burra dhe gra dhe të gjithë kanë lëkurë të ndritshme.
Lehtësia e lojës
Kontrollet janë të thjeshta, por disa nivele janë menduar të jenë mjaft të ndërlikuara. Luajtja me të tjerët në internet ose në të njëjtën dhomë i lejon lojtarët të pranojnë ndihmë nga ata që ndodhen afër. Veçoritë e qasjes shfaqin hartën e butonave për t’i lejuar lojtarët me aftësi të kufizuara të gjejnë një skemë kontrolli që funksionon më mirë për ta.
Dhuna dhe frika
Ashtu si në shumicën e lojërave të Marios, lojtarët mund t’i bëjnë Marion dhe miqtë e tij të hipin mbi armiqtë për t’i shtypur ata, të hedhin topa zjarri për t’i rrëzuar nga platformat dhe të dërgojnë predha toke për të goditur armiqtë e tyre. Nënkuptohet se armiqtë e mundur, thjesht rrëzohen.
Produkte dhe blerje
Lojtarëve u kërkohet të blejnë një abonim në Nintendo Online nëse ata përpiqen të aktivizojnë në internet veçoritë e lojës.
Prindërit shqiptarë duhet të dinë se Super Mario Bros. Wonder është një aventurë e platformës Nintendo Switch. Lojtarët marrin kontrollin e njërit prej disa heronjve që mund të luhen dhe i bëjnë ata heronjë të vrapojnë, kërcejnë dhe rrëshqasin nëpër një sërë nivelesh në përpjekje për të shpëtuar Mbretërinë e Luleve nga armiqtë e ngjashëm me breshkat dhe kërpudhat. Beteja përfshinë kërcimin mbi armiqtë, goditjen e tyre me topa zjarri, trungje elefanti dhe predha me armiqtë e rrëzuar që ata të vriten ose të shkatërrohen. Personazhet e paktë njerëzorë janë burra dhe gra me lëkurë të ndritshme. Loja online dhe ajo lokale inkurajon punën në grup, ndjeshmërinë, shpërndarjen e ndihmës (lojtarët mund të ringjallin të tjerët ose t’u japin atyre fuqi), dhe konkurrencën miqësore. Prindërit duhet të kenë parasysh se fëmijët që duan të luajnë në internet do t’u kërkohet të regjistrohen për një abonim të paguar në Nintendo Online.
Për çfarë bëhet fjalë?
SUPER MARIO BROS. WONDER e zhvendos veprimin nga Mbretëria e Kërpudhave në Mbretërinë e Luleve, e cila është nën sulmin nga Bowser dhe miqëve të tij. Mario dhe shokët e tij Peach-i, Luigi, Daisy, Yoshi, Nabbit dhe Toads, eksplorojnë sfera të ndryshme për të gjetur farat magjike në mënyrë që të shpëtojnë mbretërinë dhe banorët e saj. Ashtu si në të gjitha lojërat 2D Mario, edhe kjo është një aventurë tradicionale e vrapimit në të djathtë, në të cilën lojtarët vrapojnë, kërcejnë, rrëshqasin dhe godasin në tokë nëpër fusha të panumërta derisa të arrijnë flamurin në fund. E re për këtë lojë është një sistem distinktiv që i lejon lojtarët të pajisen me përfitime, si të qenurit në gjendje të notojnë, të marrin më shumë monedha nga armiqtë ose të nxjerrin një kapelë gjigante për ta përdorur si parashutë. Si rregull: Një distinktiv mund të përdoret për çdo nivel. Lojtarët tani mund të luajnë gjithashtu online në atë që përbën ‘’një lojë paralele’’, duke i lejuar lojtarët të shohin dhe të ndërveprojnë rastësisht me njerëz të tjerë që luajnë në të njëjtat nivele që ndodhën. Mund të ndihmoni ose të merrni ndihmë në mënyra të reja, si p.sh: të ringjallni lojtarët e tjerë kur janë në gjendje ‘’fantazmë’’, t’u jepni atyre fuqinë tuaj të ruajtur ose thjesht duke dërguar një emoji inkurajues. Loja gjithashtu mbështet modalitetin multiplayer lokal për (deri në) katër lojtarë.
A është e mirë?
Ndoshta nuk ka asgjë më ikonike ose më të njohur për lojtarët në botën e videolojërave sesa Mario. Në të vërtetë, Super Mario Bros. Wonder do ta bëjë këdo që ka luajtur në të kaluarën, të ndihet menjëherë si në shtëpinë e tij. Mekanika e provuar dhe e vërtetë e vrapimit dhe kërcimit mbartet pa probleme nga lojërat e mëparshme në ekskluzivitet, dhe shumë nga armiqtë, efektet zanore dhe shakatë kanë për qëllim t’i bëjnë lojtarët të kujtojnë momentet e tyre të preferuara të Marios nga e kaluara. Por, është gjithashtu miqësore me lojtarët e rinj. Kontrollet përdorin vetëm disa butona plus d-pad, dhe vështirësia rritet gradualisht. Për më shumë, sistemi i distinktivit të lojës mund të ofrojë ndihma siç është aftësia për të vendosur blloqe për t’u përdorur si platforma që mund të ndihmojnë lojtarët në vështirësi përmes programeve më të ndërlikuara. Dhe, nëse jeni duke luajtur me të tjerët në nivel lokal ose në internet, ata mund t’ju ndihmojnë duke u siguruar që të ringjalleni nëse vazhdoni të rrëzoheni në një zonë të vështirë.
Yjet e vërtetë të shfaqjes janë nivelet nëpër të cilat kalojnë. Dizajnerët e Nintendo kanë një aftësi për të krijuar kurse që janë të zgjuara, sfiduese dhe të drejta, këto të gjitha në të njëjtën kohë. Të kuptosh se çfarë dëshiron loja që të bësh dhe më pas të ekzekutosh një seri kërcimesh me kohë të përsosur nëpër platforma, mund të jetë thellësisht e kënaqshme. Me eliminimin e kohëmatësve të nivelit, kjo është e drejtë, ju mund të merrni kohë sa të doni për të përfunduar çdo program. Lojtarët tani kanë kohë të hetojnë çdo cep të botës nëpër të cilën po kalojnë, duke zbuluar një mori hardhish sekrete, blloqe dhe zona të fshehura gjatë rrugës. Kanë kaluar 11 vjet që nga loja e fundit krejt e re (me lëvizje anësore në të djathtë) Super Mario (një brez i tërë para-adoleshentësh nuk kanë përjetuar ende një të re), por për Super Mario Bros. Wonder ia vlente pritja e gjatë.
Flisni me fëmijët tuaj rreth…
- Familjet mund të flasin për kohën para ekranit. Super Mario Bros. Wonder është gdhendur në nivele të madhësisë së një kafshimi, shumica e të cilave kërkojnë vetëm pak minuta për t’u përfunduar. Sa luani ju për t’u ndjerë sikur keni bërë përparim të mjaftueshëm dhe sa jeni të jeni të gatshëm të bëni një pushim? A mundet që ritmi ta bëjë lojën më argëtuese?
- Flisni për diversitetin në lojërat Mario, ose mungesën e diversitetit. A mendoni se Nintendo duhet të prezantojë personazhe të rinj kyç në universin Mario me tone më të errëta të lëkurës? Apo do duhet që ata të lejojnë lojtarët të personalizojnë vet pamjen e karakterit?
- Kjo lojë inkurajon ndjeshmërinë dhe punën në grup. Pse janë këto pika të forta të karakterit?
Detajet e lojës
Platforma: Nintendo Switch;
Struktura e çmimeve: E paguar (59,99 dollarë);
E disponueshme në internet?: E disponueshme në internet;
Botuesi: Nintendo of America;
Data e publikimit: 20 Tetor 2023;
Zhanri: Aksion/Aventurë;
Temat: Princeshat, Zanat, Sirenat dhe më shumë, Aventurat;
Pikat e forta të karakterit: Empatia dhe puna në grup;
Vlerësimi i ESRB: E për dhunën me fantazi të lehtë;
Çmimi: Common Sense Selection;
Përditësimi i fundit: 18 Tetor 2023;
Solli në shqip: Prinderimi.com
