Udhëzues për prindërit përreth lojës:
Assassin’s Creed Mirage
Mosha: 16+
Lojë aksioni edukative dhe e përgjakshme, në një histori të lashtë.
Vlerësimi nga: Chad Sapieha, recensues pranë Common Sense Media
Klasifikimi i Common Sense Media: Lojë për adoleshentë
Formati: Video lojë | Xbox Series X/S, PlayStation 4 & 5, Windows | 2023
Rreziqet: Loja përmbanë vrasje, grabitje, dhunë intensive dhe përdorim të gjuhës së fortë. Në këtë histori autentike mund të hasni edhe në pamje gjaku, ekzekutime dhe referencime për përdorim droge.
Shumë apo pak?
Çfarë do të gjeni dhe çfarë nuk do të gjeni në këtë lojë.
Vlera arsimore
Nga kjo video-lojë, fëmijët do të mësojnë shumë për historinë e Bagdadit rreth shekullit të IX-të. Pjesa më e madhe e arkitekturës në atë mjedis është autentike, me kube, harqe dhe punime tjera të pllakave që ekzistonin gjatë asaj kohe. Dhjetra glife koleksionuese të shpërndara, përmbajnë përshkrime të zakoneve politike dhe shoqërore të kohës dhe janë të shkruara nga historianë profesionistë. Ato përshkruajnë strukturën klasore dhe rolet e burrave e grave, që hedhin në pah parimet e Islamit si fe dhe qëndrimin e tij ndaj feve të tjera. Tutje, shpjegohen elementet e tregtisë, taksave dhe ekonomisë. Përfshihen edhe fotografi të relikeve të mbijetuara.
Mesazhe pozitive
Temat e çlirimit dhe të robërisë përshkojnë shumë histori brenda lojës, me personazhet që shpesh pyesin se ‘’çfarë është liria e vërtetë?’’. Miqësisë, besnikërisë dhe drejtësisë i jepet një vlerë e veçantë dhe këto nocione përdoren si motivim për detyra të vështira.
Modele të roleve pozitive
Basimi është një hero hajdut, një vrasës por i pëlqyeshëm dhe motivet e tij janë përgjithësisht fisnike. Ai dëshiron të eliminojë një ‘urdhër të fshehtë’, por njerëzit e pafajshëm ndonjëherë përfundojnë duke u lënduar ose duke u vrarë si rezultat i veprimeve të tij.
Përfaqësime të ndryshme
Ngjarja është e vendosur në Bagdad, me personazh kryesor ‘’Lindja e Mesme’’ ku përfshihen njerëz nga e gjithë bota, India, Afrika, Kina dhe Evropa. Ata kanë një gamë të gjerë të nuancave të lëkurës dhe tipareve të fytyrës. Personazhet meshkuj janë më të përhapur se femrat, por brenda lojës, dy femra të forta dhe inteligjente luajnë një rol kyç poashtu. Fjalët dhe frazat arabe shpesh futen në biseda. Elementet e lojës përshkruajnë strukturën klasore, rolet e burrave e grave, parashtrojnë parimet e Islamit dhe qëndrimin e tij ndaj feve të tjera dhe shpjegojnë elementet e tregtisë, taksave dhe ekonomisë. Pjesa më e madhe e arkitekturës në mjedis është një rikrijim autentik i kupolave, harqeve dhe punimeve me pllaka të shekullit të IX-të.
Lehtësia e lojës
Lufta mund të jetë sfiduese (loja i shtyn lojtarët të mbështeten në vjedhje në vend që të luftojnë), me një mision të gjatë (me 3 nivele të aftësive) që i ndihmon lojtarët të gjejnë bazën e tyre. Disa veçori tjera: Përfshihet një modalitet i verbër i ngjyrave dhe mundësa për të personalizuar komandat e hyrjes, të krijuara këto për të ndihmuar lojtarët me aftësi të ndryshme.
Dhuna dhe frika
Lojtarët përdorin një shpatë, kamë dhe teh dore të fshehur për të sulmuar dhe vrarë ushtarët e armikut, duke shkaktuar kështu prerje dhe ‘njolla të kuqe’. Efektet e gjakut mund të çaktivizohen, por lojtarët do të shohin ende disa pamje shqetësuese, duke përfshirë njerëz të shtrembëruar dhe një skenë në të cilën civilët, përfshirë fëmijët të vrarë, të ekspozuar në publik. Lojtarët kanë lirinë të vrasin të pafajshëm, por marrin paralajmërime dhe rrezikojnë një paralajmërim në ekran “përfundimi i lojës”, nëse e bëjnë këtë shumë shpesh.
Gjuha
Ka dialog dhe tekst që përmban gjuhë të fortë, duke përfshirë fjalët: “q**” dhe “m**”.
Produkte dhe blerje
Lojtarët inkurajohen të blejnë shtesa lojërash përmes një dyqani që gjendet brenda në lojë.
Pirja, droga dhe duhani
Pirja është e paligjshme në mjedisin ku zhvillohet loja, por lojtarët ende ndeshen me disa personazhe të dehur.
Prindërit shqiptarë duhet të dinë se Assassin’s Creed Mirage është një lojë historike aksion-aventurë, e renditur e 13-ta në ekskluzivitetin e lojërave popullore. Lojtarët marrin rolin e një hajduti dhe vrasësi rrugëve të Bagdadit të shekullit të IX-të, personazh ky që është betuar se do të mbështesë idealet e lirisë. Qëllimet e tij janë fisnike: Ai dëshiron të rrëzojë ‘një urdhër të fshehtë’ për nënshtrim dhe shtypje, por metodat e tij janë shpesh të dhunshme dhe të pafajshmit ndonjëherë lëndohen/vdesin. Lufta përfshin shpata, gjak, britma dhimbjesh dhe skena me civilë të ekzekutuar në publik. ‘Bota’ në të cilën ndodhë e gjithë kjo është shumë autentike dhe përfshin rikrijime realiste të arkitekturës dhe artit të asaj kohe, por edhe paqartësi mbi politikën dhe kulturën e shkruar nga historianë profesionistë dhe fotografë të relikteve që kanë mbijetuar deri në kohët moderne. Personazhet janë kryesisht të Lindjes së Mesme me lëkurë kafe dhe flokë të zinj, dhe ka shumë të tjerë nga e gjithë bota, përfshirë Kinën, Afrikën, Indinë dhe Evropën, që kanë nuanca të ndryshme të lëkurës dhe tipareve të fytyrës. Burrat luajnë role më të spikatura se gratë, por Basimi ka disa aleate femra shumë të fuqishme dhe inteligjente. Dialogu përmban fyerje të rralla, por të forta, dhe disa personazhe duken të dehur, edhe pse alkooli është i jashtëligjshëm. Prindërit duhet të kenë parasysh gjithashtu se një dyqan në lojë inkurajon lojtarët të blejnë shtesa lojërash.
Për çfarë bëhet fjalë?
ASSASSIN’S CREED MIRAGE është historia e origjinës së Basimit, një personazh i dashur që u shfaq për herë të parë në Assassin’s Creed Valhalla të vitit 2020. I vendosur në Bagdadin e shekullit të IX-të, kur qyteti i famshëm ishte në kulmin e fuqisë së tij kulturore dhe politike, ai tregon qartazi se kalifët në fuqi ishin në të vërtetë kukullat e ‘’një urdhri sekret’’ të vendosur për të kontrolluar masat. Basimi, një hajdut i ri që futet në telashe me autoritetet, bashkohet me një grup të njohur si “Të Fshehurit” që është i përkushtuar për të zhdukur njerëzit e maskuar që sundojnë fshehurazi vendin dhe shtypin masat fatkeqe. Lojtarët eksplorojnë qytetin dhe shkretëtirën përreth duke kërkuar të dhëna se kush janë këta njerëz, duke përdorur shpata dhe kamë për të goditur, duke vrarë me shpejtësi dhe në heshtje armiqtë e tyre. Ata do të kenë gjithashtu mundësi për të ndihmuar civilët në nevojë dhe për të marrë kontrata nga njerëz të gatshëm të paguajnë për shërbimet e tyre. Lojtarët duhet të përmirësojnë armët dhe pajisjet e tyre, të mësojnë aftësi të reja dhe të përvetësojnë mjete shtesë. Gjithashtu do të mbledhin glife edukative që ofrojnë kontekst dhe njohuri për njerëzit, kulturën dhe arkitekturën e Bagdadit të lashtë.
A është i mirë?
Është më mirë të mendosh për këtë hyrje në ekskluzivitetin e lojërave kryesore të Ubisoft si një ‘’spin-off’’ dhe jo si një vazhdim të plotë. Jo vetëm që Assassin’s Creed Mirage ka një çmim pak më të ulët se shumica e lojërave me buxhet të madh, por është gjithashtu dukshëm më i shkurtër, duke marrë vetëm rreth 30 orë për t’u përfunduar në krahasim me 100 orë më shumë të Assassin’s Creed Valhalla. Megjithatë, ato orë janë të mbushura me misione të dizajnuara mjeshtërisht, që tregojnë një histori të ngushtë dhe bindëse për një njeri që ndjen nevojën për të shlyer një gabim tragjik duke u zotuar për një qëllim më të madh dhe duke bërë atë që është e drejtë. Harta e botës në lojë mund të jetë relativisht e vogël, por ajo është e mbushur me pamje të mrekullueshme të shkretëtirës dhe arkitekturë mahnitëse që kërkon të hetohet dhe hulumtohet ndërsa Basim-i ngadalë, por me sigurit të madhe zbulon identitetet e njerëzve më të fuqishëm të Bagdadit.
Veprimi i jep një premisë vjedhjes dhe taktikave. Basimi nuk është një luftëtar i fushëbetejës, kështu që sulmi verbërisht ndaj armiqve do ta vriste lehtëisht. Në vend të kësaj, lojtarët duhet ta bëjnë atë të përzihet me turmat dhe të fshihet në shkurre, duke pritur për mundësinë e përsosur për të goditur. Aftësitë e vrasësit që ai fiton gradualisht gjatë rrugës promovojnë strategjinë, duke u dhënë përfundimisht lojtarëve mundësinë për të etiketuar deri në pesë armiq që Basim do t’i heqë automatikisht me një klikim të një butoni me një goditje të shpejtë.
Flisni me fëmijët tuaj rreth…
- Familjet mund të flasin për dhunën në media. Assassin’s Creed Mirage inkurajon lojtarët të vrasin armiqtë në heshtje, pa një shans për të luftuar. A janë taktika të tilla etike të justifikueshme, edhe nëse objektivat janë dukshëm të këqija?
- Flisni për historinë. A keni mësuar ndonjë gjë nga elementët edukativë të kësaj loje në lidhje me Bagdadin e shekullit të IX-të që mendoni se mund t’ju ndihmojë të kuptoni botën moderne?
Detajet e lojës
Platformat: Xbox Series X/S, PlayStation 5, Windows, Xbox One, PlayStation 4;
Struktura e çmimeve: Me pagesë (49,99 dollarë);
E disponueshme në internet?: E disponueshme në internet:
Botuesi: UbiSoft:
Data e publikimit: 5 Tetor 2023:
Zhanri: Aksion/Aventurë
Temat: Aventurat, Historia;
Vlerësimi i ESRB: Për gjakun, referencën e drogës, dhunën intensive dhe gjuhën e fortë;
Përditësimi i fundit: 4 Tetor 2023;
Solli në shqip: Prinderimi.com
