Udhëzues për prindërit përreth lojës:
God of War: Ragnarok
Mosha: 18+
Një lojë epike, e matur dhe e dhunshme e zhanrit aksion/aventurë.
Klasifikimi i Common Sense Media: Video lojë për të rritur
Vlerësimi nga: Paul Semel, recensues pranë Common Sense Media
Formati: Video lojë | 2022 | Playstation 4 dhe 5 | 35 Minuta
Rreziqet: Në video lojën epike mund të hasni në gjuhë vulgare, fyese dhe mallkuese, në pije alkoolike, në një sërë armësh, në magji dhe në një hark e shigjetë për të vrarë njerëzit dhe përbindëshat e shumtë, duke rezultuar kështu në shumë përleshje e gjak. Përfshihen edhe përshkrime grafike të prerjes së kokës,
Shumë apo pak?
Çfarë do të gjeni dhe çfarë nuk do të gjeni në këtë lojë.
Mesazhe pozitive
Disa probleme zgjidhen me dhunë dhe luftë, megjithëse dhuna nuk është gjithmonë zgjidhja dhe lufta nuk është diçka për t’u lavdëruar. Përdorimi i mendjes mund t’ju ndihmojë të zgjidhni problemet.
Modele të roleve pozitive
Kratos i jep mençuri djalit të tij, por ai nuk është gjithmonë i vëmendshëm apo i durueshëm. Ata të dy përdorin dhunë kur sulmohen, por përdorin edhe trurin e tyre për të zgjidhur problemet dhe enigmat.
Përfaqësime të ndryshme
Luajnë si dy djem të bardhë, me ndërveprime të forta, duke përfshirë ekipe të ndryshme. Brenda lojës ka edhe dy femra, njëra prej tyre është me ngjyrë.
Lehtësia e lojës
Kontrollet janë të njohura për njerëzit që kanë luajtur lojën e mëparshme të këtij stili, por mund të duhet paksa kohë për ta mësuar njerëzit që nuk e kanë bërë, por që janë të njohur me lojëra të ngjashme. Brenda lojës ka pesë opsione vështirësish: “Give Me Story” (shumë e lehtë), “Give Me Grace” (e lehtë), “Give Me Balance” (e mesme), “Give Me Mercy” (e vështirë), “Give Me God of War” (shumë e veshtirë).
Dhuna dhe frika
Lojtarët përdorin një sërë armësh, ka përleshje me grushtat dhe këmbët e tyre, përdoret magjia dhe shihet një hark e shigjetë që vret njerëzit dhe përbindëshat e shumtë, duke rezultuar në shumë gjak dhe përgjumje. Përfshihen edhe përshkrime grafike të prerjes së kokës.
Gjuha
Dialogu përfshin fjalë të tilla mallkuese dhe vulgare të shpeshta si “m**” dhe “q***”, si dhe dikush që përmend se personazhet e filmit ishin “duke urinuar”.
Produkte dhe blerje
Pjesë e ekskluzivitetit afatgjatë God of War.
Pirja, droga dhe duhani
Njëri nga personazhet (Thor-i) mbush dy pije, njëra prej të cilave është për dikë që është i mitur, por i mituri nuk e pi. Më vonë, njerëzit dëgjohen teksa diskutojnë edhe për pirjen e Thorit. Njerëzit ulen për të pirë atë që nënkuptohet të jetë alkool.
Prindërit duhet të dinë
Prindërit duhet të dinë se God of War: Ragnarok është një lojë aksion/aventurë për PlayStation 4 dhe PlayStation 5. Lojtarët përdorin armë, ka përleshje, një hark dhe një shigjetë, realizohet magji, ka përdorim të gjymtyrëve të tyre për të vrarë njerëz dhe krijesa tjera, duke rezultuar në sasi të mëdha gjaku, plagë e copëtime. Ka edhe fyerje të shpeshta (“q**” dhe “m**” të përdorura në dialog) si dhe skena ku personazhet janë duke pirë (me sa duket) disa lloj pijesh alkoolike, duke përfshirë atë ku njëri i ofron një pije një djali të ri përpara se babai i tij ta ndërpresë dhe ta ndalojë.
Për çfarë bëhet fjalë?
Në GOD OF WAR: RAGNAROK, edhe pse kanë kaluar katër vjet nga ndeshja e mëparshme, nuk janë harruar të gjitha grindjet nga ajo kohë. Të paktën jo nga Thor-i ose Odin-i (vrasja e fëmijëve / nipërve i bënë të mos harrojnë). Ndërkohë, njerëzit që i referohen djalit të Kratos – Atreus me emrin “Loki”, së bashku me aftësitë magjike të sapogjetura të fëmijës, e bëjnë të riun e ngritur. Ai dëshiron të kuptojë se çfarë po ndodh, duke filluar nga shpëtimin i ‘perëndisë’ norvegjeze të luftës, Tyr. Dhe kështu, fillon kërkimi nga Kratos dhe Atreus-i, një kërkim ky që do të ‘’ngjyhet’’ me gjakun e armiqve të tyre, me momente të herëpashershme për të zgjidhur disa enigma të thella.
A është e mirë?
Kjo video lojë mund të mos jetë një ripërpunim aq dramatik sa loja e mëparshme, por me ‘’hack-and-slash’’ të personit të tretë është po aq epike dhe emocionuese sa paraardhësi i saj. Në God of War: Ragnarok, kanë kaluar katër vjet që kur Kratos vrau djemtë e Thor-it në God of War të vitit 2018 dhe as Thor dhe as babai i tij, Odin, nuk janë gati të falin e mëshirojnë. Gjithashtu, bie pyetja, pse njerëzit vazhdojnë t’i referohen fëmijës së Kratos, Atreus, si “Loki”? Për ta zbuluar, Kratos dhe fëmija vazhdojnë një tjetër aventurë të mbushur me aksione (dhe enigma). Kur nuk përfshihen në luftime, e cila është thellë aty falë një sistemi të personalizimit të armëve dhe një ‘peme aftësish’ që shton lëvizje të reja, Kratos dhe fëmija kalojnë kohën e tyre duke kërkuar lart e poshtë për relike, metale për t’i bërë armët dhe armaturën e tyre më të forte. Ata kërkojnë edhe sende të tjera të dobishme, duke zgjidhur gjithashtu enigma të ndërlikuara, disa prej të cilave nevojiten për të hapur zona të reja për t’u eksploruar. Dhe, e gjitha është e nxitur nga një histori epike plot momente dramatike, surpriza të vërteta dhe karakterizime të pasura.
Tani, padyshim, kjo lojë ka aksion shumë si ajo e mëparshmja por lufta është kryesisht e njëjtë, me enigmat dhe problemet e situatës njëlloj. Por, do ndiheni më mire me një aventurë krejtësisht të re, e cila teston aftësitë tuaja luftarake dhe zgjidhjen e enigmave në mënyra të reja dhe interesante. Ju gjithashtu gjeni mënyra të reja për të shtuar armët tuaja, ndërsa Atreus, i cili ishte thjesht një nxënës më herët, është shumë më i dobishëm tani. Kjo është historia e tij po aq sa e babait të tij. God of War: Ragnarok i ngjan më shumë lojës së mëparshme God sepse është në përzierje të luftimeve të furishme, shkallës epike, enigmave të zgjuara dhe historisë bindëse, duke e bërë këtë vazhdim po aq emocionues dhe tërheqës. Kjo lojë ka potencial që të jetë kandidati i vitit, si paraardhësi i saj.
Flisni me fëmijët tuaj rreth…
- Familjet mund të flasin për dhunën. A ndikohet dhuna në God of War: Ragnarok nga komenti se, kërkimi i luftës dhe luftimit është i gabuar, apo se duhet të luftoni vetëm kur provokoheni? A bie në sy dhuna për shkak se sa e përgjakshme dhe e tmerrshme është? Si vendosni për dhunë kur ajo është një e keqe e domosdoshme edhe kur është thjesht e panevojshme?
- Në God of War: Ragnarok, Kratos është një baba shumë i ashpër dhe jo gjithmonë i vëmendshëm ndaj ndjenjave të djalit të tij. A mendoni se kjo lloj “dashurie e ashpër” funksionon, apo mendoni se Atreus do të mësonte më shumë nga babai i tij nëse Kratos tregonte pak më shumë dhembshuri?
Detajet e lojës
Platformat: PlayStation 4 dhe PlayStation 5;
Struktura e çmimeve: E paguar;
E disponueshme në internet?: E disponueshme në internet;
Botuesi: Sony Computer Entertainment;
Data e publikimit: 9 Nëntor 2022;
Zhanri: Aksion/Aventurë;
Temat: Magjia dhe fantazia, aventurat, përrallat, përbindëshat, fantazmat dhe vampirët;
Vlerësimi i ESRB: Gjak, dhunë intensive dhe gjuhë të fortë;
Përditësimi i fundit: 27 Mars 2023;
Solli në shqip: Prinderimi.com
