Mosha 5+
Wintry Disney: një festë përrallore.
Vlerësimi nga: Sandie Angulo Chen, recensues pranë Common Sense Media
Klasifikimi i Common Sense Media: Film për fëmijë
Formati: Film | 2013 | 102 Minuta
Rreziqet: Filmi përmbanë pak aksion, humor të vrazhdë, gjuhë dhe aksidente të lehta. Gjithashtu mund të hasni në skena vdekjeje, në magji, përbindësha kërcënues, armë, burgosje, puthje mes personazheve dhe momente frike.
Shumë apo pak?
Çfarë do të gjeni dhe nuk do të gjeni në këtë film.
Vlera arsimore
Megjithëse filmi nuk u krijua me qëllim edukativ, ai ofron mësime mbi rëndësinë e familjes, besnikërisë dhe vlerat e një lidhje romantike.
Mesazhe pozitive
Temat përfshijnë dhembshurinë, guximin, integritetin, komunikimin dhe vetëkontrollin. Ka mesazhe pozitive kundër frikës nga fuqia dhe talentet, për të mos i braktisur ata që doni dhe rëndësinë e të kuptuarit se dashuria kërkon vetëmohim dhe bujari. Gjithashtu theksohet dashuria në terma të gjërë, lidhjet e gjakut me të motrën dhe ideja se dashuria e vërtetë kërkon kohë për t’u zhvilluar.
Modele të roleve pozitive
Anna është e guximshme, e sjellshme dhe e dashur. Ajo nuk heq dorë nga motra e saj, edhe kur të gjithë të tjerët e konsiderojnë atë si një rrezik për mbretërinë. Elsa, nga ana tjetër, më në fund zbulon se fuqia e saj nuk duhet të jetë shkatërruese dhe se ajo mund të sjellë edhe mirësi. Kristoff dhe Anna i mësojnë tjetrit se gjetja e personit që dashuron kërkon më shumë se vetëm një ditë, që do të thotë të kapërcesh pengesat dhe të qëndrosh pranë njëri-tjetrit gjatë periudhave të vështira. Olaf është i gëzuar dhe besnik.
Dhuna dhe frika
Kur ata janë të rinj, Elsa godet aksidentalisht Anën me magjinë e saj të ngrirjes dhe përfundon gati duke e vrarë. Prindërit e Elsës dhe Anës vdesin në një fundosje anijesh dhe ka shfaqje shkurtimisht të detit të stuhishëm dhe varkës që fundoset. Mbretëresha Elsa lëshon magjinë e saj në mbretëri dhe e zhyt atë në dimrin e përjetshëm. Ujqërit e egër ndjekin Anën dhe Kristofin në një sajë. Elsa krijon një përbindësh shumë kërcënues dëbore dhe aksidentalisht lëndon Anën përsëri. Burrat me armë dhe harqe përpiqen të lëndojnë Elsën. Mbretëresha burgoset dhe dënohet me ekzekutim. Zemra e Anës fillon të ngrijë dhe duket se i gjithë trupi i saj do të kthehet në akull. Një stuhi e fortë dimri e lëshuar nga Elsa mund të shqetësojë fëmijët më të vegjël.
Seks, romancë dhe lakuriqësi
Princesha Anna mendon se ka rënë në dashuri me Princin Hans në vetëm pak orë (pas disa flirteve dhe shkëmbimeve të gjërave të preferuara) dhe përfundon duke pranuar propozimin e tij. Pastaj ajo kalon kohë duke u njohur me Kristofin dhe realisht bie në dashuri. Dy puthje shfaqen në fund të filmit. Mbretëresha Elsa në anën tjetër, ka veshur një fustan të ngushtë me xixëllonje me të çara. Edhe Trollët duan që Anna dhe Kristofi të martohen.
Gjuha
Trollët e quajnë Kristofin një “përmirësues” dhe tregojnë disa nga të metat e tij (si të qenët “erëmirë” dhe lidhjen e tij të panatyrshme me drerët e tij). Vizitorët e quajnë mbretëreshën Elsa një “përbindëshe”, “magjistare e keqe”, “tradhtare”, “vrasëse” etj.
Produkte dhe blerje
Produktet dhe blerje nuk ka në filmin aktual, por ka lidhje të panumërta mallrash, nga veshjet dhe figurat deri te kostumet, aksesorët, librat, make-up dhe lojërat.
Pirja, droga dhe duhani
Shampanja shërbehet në një pritje mbretërore.
Prindërit shqiptarë duhet të dinë se Frozen është një film i animuar i Disney-t që ka të ngjarë të tërheqë familjet me fëmijë të të gjitha moshave. Ashtu si në shumë filma të Disney-t, prindërit vdesin, duke lënë princeshat jetime, që duhet të gjejnë një mënyrë për të mbijetuar. Ka disa skena të tjera të dhunshme që përfshijnë burra me armë, ujqër që gërhasin, një përbindësh i frikshëm dëbore, një stuhi e fortë dhe një personazh që gati ngrin deri në vdekje. Një personazh bie në dashuri dy herë dhe përfundon duke dhënë dy puthje në fund të tregimit. Mesazhet përfshijnë dashurinë e pakushtëzuar mes motrave pas një largimi të gjatë, të qenët i vërtetë me veten, të njohësh dhuratat e tua dhe të mos kesh frikë nga fuqia jote.
Cili është tregimi?
FROZEN huazon shumë pjesë nga përralla e Hans Christian Andersen të Mbretëreshës së dëborës: Në një mbretëri të ngjashme skandinave, dy princesha të reja gëzohen në reshjet e para të borës. Motra e madhe Elsa ka fuqinë magjike për të sjellë në mendje akullin, kështu që ajo krijon një vend të çudirave dimërore për motrën e saj të vogël, Anën. Por, kur Elsa aksidentalisht lëndon Anën me magjinë e saj, prindërit e tyre vendosin ta mbyllin Elsën larg mbretërisë. Motrat rriten të ndara nga shoqëria dhe nga njëra-tjetra, një strategji kjo që funksionon derisa mbreti dhe mbretëresha të vdesin në një fundosje anijesh dhe Elsa (me zërin e Idina Menzel) duhet të kurorëzohet mbretëresha e re. Gjatë festave të kurorëzimit, Anna (Kristen Bell) bie në dashuri me Princin Hans (Santino Fontana) i cili i propozon menjëherë. Por kur i kërkojnë Elsës për bekimin e saj, ajo i përqeshë ata, humb kontrollin e fuqive të saj, vrapon në një mal dhe e dërgon mbretërinë në një dimër të përjetshëm me magjinë e saj. E ndjerë fajtore, Anna niset të gjejë Elsën me ndihmën e aleatëve: një korrës i vetmuar i akullit Kristoff (Jonathan Groff), dreri i tij besnik Sven dhe një burrë dëbore budalla dhe i ndjeshëm i quajtur Olaf (Josh Gad).
A është i mirë?
Lini vend për dy princesha të tjera të mrekullueshme në këtë kombinim perfekt të më të mirëve që Disney ka për të ofruar. Frozen ka muzikë tërheqëse, heroina të fuqishme që zbulojnë forcën brenda vetes dhe pamje mahnitëse të animuara. Ka mesazhe të denja për çdo gjë, nga dashuria e pakushtëzuar e motrave mes vete deri te mos fejesa me dikë që sapo e keni takuar. Përveç këngëve të këndshme si “For the First Time in Forever”, “Let It Go”, “In Summer” dhe “Fixer Upper”, të kompozuara në mënyrë të mrekullueshme nga çifti Kristen Anderson-Lopez dhe Robert Lopez, temat e dashurisë së motrave dhe identitetit të vetvetes krijojnë një përrallë të lezetshme.
Yjet e teatrit muzikor Menzel, Groff, Fontana dhe Gad ofrojnë një grup të mrekullueshëm këngëtarësh që e bëjnë Frozen të tingëllojë sikur është nisur tashmë për në Broadway. Bell nuk zhgënjen sikurse Anna e guximshme dhe punëtore, e cila refuzon ta lërë Elsën të qëndrojë larg dhe t’ia besojë veten një përbindëshi. Groff ka luajtur në mënyrë perfekte si Kristoff, i cili sfidon dhe befason Anën – dhe nga ana tjetër sfidohet dhe befasohet nga princesha e guximshme. Romanca e tyre është një kundërvënie e Anna-s dhe Hans-it (që, siç rezulton, nuk është lidhja e denjë për dashurinë me shikim të parë që ajo imagjinoi) pa u hequr nga linja qendrore e historisë për motrat bukuroshe që zbulojnë fuqinë e tyre.
Flisni me fëmijët tuaj rreth…
- Familjet mund të flasin për mesazhin e Frozen. Çfarë mësojnë Anna dhe Elsa gjatë filmit? Fëmijët: Si mund t’i zbatoni mësimet e filmit në jetën tuaj?
- Çfarë mendoni për aktin e dashurisë që shpëton mbretërinë?
- Ka më shumë muzikë në Frozen sesa në filmat e fundit të Disney. Si krahasohet kolona zanore me filmat e tjerë të Disney-t?
- Si demonstrojnë personazhet në Frozen guxim, vetëkontroll dhe integritet? Po në lidhje me komunikimin dhe dhembshurinë? Pse janë këto pika të forta të karakterit?
Detajet e filmit
Në kinema: 27 Nëntor 2013;
Në DVD ose transmetim: 18 Mars 2014;
Luajnë: Jonathan Groff, Josh Gad, Kristen Bell;
Regjisorët: Chris Buck, Jennifer Lee;
Informacione për përfshirjen: Regjisore femra, aktorë të Lindjes së Mesme/Afrikës së Veriut, aktore femra;
Studio: Walt Disney Studios Motion Pictures;
Zhanri: Për familje dhe fëmijë;
Temat: Magjia dhe fantazia, princesha, zanat, sirenat, vëllezërit dhe motrat, përrallat;
Pikat e forta të karakterit: Komunikim, dhembshuri, guxim, integritet, vetëkontroll;
Kohëzgjatja: 102 Minuta;
Vlerësimi MPAA: PG;
Shpjegimi MPAA: Pak veprim dhe humor i vrazhdë;
Përditësimi i fundit: 17 Shkurt 2023;
Solli në shqip: Prinderimi.com
