MASHT ka publikuar një udhëzues të ri për mbrojtjen e fëmijëve në internet, i cili synon të ndihmojë edukatoret në institucionet për edukimin në fëmijërinë e hershme. Ky udhëzues përmban këshilla praktike dhe strategji të rëndësishme për parandalimin e rreziqeve që fëmijët mund të përballen online, duke përfshirë çështje si privatësia, siguria dhe përdorimi i përgjegjshëm i teknologjisë.
Përmes këtij dokumenti, synohet të rritet ndërgjegjësimi i edukatoreve dhe të promovohet një mjedis më i sigurt digjital për fëmijët që janë të ekspozuar ndaj internetit në moshë të re. /Prinderimi.com
Sipas politikave kombëtare dhe instrumenteve ndërkombëtare, veçanërisht Konventës për të Drejtat e Fëmijës, institucionet tona janë të detyruara të mbrojnë fëmijët nga çdo rrethanë që pengon apo dëmton zhvillimin e tyre. Në vitet e fundit, është miratuar edhe Ligji për Mbrojtjen e Fëmijës, dhe janë nxjerrë akte nënligjore e politika që kërkojnë kujdes dhe angazhim në punën me fëmijët. Në këtë frymë janë hartuar edhe udhëzime specifike për çështje që lidhen me mbrojtjen e tyre. Një aspekt i rëndësishëm është edhe mbrojtja në internet, e cila është pjesë e legjislacionit që lidhet me sigurinë e fëmijës, një domosdoshmëri në epokën digjitale të sotme. Sipas Internet World Stats, përdorimi global i internetit është rritur me 1,416% gjatë periudhës 2000-2022, me mbi 5.4 miliardë përdorues dhe një penetrim prej 69%. Platforma “Statista” parashikon që deri në vitin 2030, do të ketë afërsisht 29 miliardë pajisje IoT të lidhura në internet. Me këtë shtrirje të gjerë, siguria dhe privatësia janë kthyer në shqetësimet kryesore.
Në Kosovë, përdorimi i teknologjisë së informacionit dhe komunikimit (TIK) është rritur ndjeshëm nga viti 2000, dhe TIK-u sot luan një rol kyç në të gjitha aspektet e jetës. Raporti Digjital 2023 për Kosovën tregon se depërtimi i internetit në vend ka arritur në 96.6% të popullsisë në fillim të vitit 2023, ndërsa 98.6% e ekonomive familjare kanë qasje në internet. Ndërkohë, 0.8% e tyre kanë deklaruar se nuk kanë pasur qasje në internet gjatë vitit 2023. Pavarësisht përfitimeve, keqpërdorimi i teknologjisë mbetet një problem serioz, me shumë incidente dhe forma të dhunës që burojnë nga abuzimet online.
Në një hulumtim të fundit për sigurinë në shkolla (2022), nga 831 fëmijë pjesëmarrës, 94% kanë deklaruar se kanë një telefon të mençur. Sa i përket kontrollit prindëror mbi përmbajtjen që fëmijët shikojnë, 73% e nxënësve thanë se prindërit e tyre kanë qasje në pajisjet e tyre, ndërsa 27% pohuan se prindërit nuk kanë qasje. Gjithashtu, 77% e nxënësve thanë se përmbajtja që shikojnë online ndikon në sjelljet e dhunshme.
Dokumenti mund ta shkarkoni si më poshtë:
Loading...
Reload document 
Open in new tab 